ലോക്ക്ഡൗൺ കാലത്ത് ഒരു മനുഷ്യൻ അനുഭവിക്കുന്ന മാനസിക പിരിമുറുക്കത്തെ ഒരു ബഷീറിയൻ ദർശനത്തിൽ ചിത്രീകരിക്കുന്ന ചിത്രമാണ് ‘മതിലുകൾ – ലവ് ഇൻ ദ ടൈം ഓഫ് കൊറോണ’. സ്ത്രീ പുരുഷ ബന്ധത്തിൻ്റെ ഒരു ദർശനമാണ് സിനിമ കൈകാര്യം ചെയ്തിരിക്കുന്നത്.
കൊവിഡ് കാലത്ത് നാട്ടിലെത്തുന്ന ഒരു പ്രവാസിയുടെ ഒറ്റപ്പെടലും പേടിയും വേവലാതിയുമൊക്കെ വളരെ സരളമായിട്ട് ചിത്രം പറഞ്ഞു പോകുന്നു. രണ്ട് സാങ്കേതിക പ്രവർത്തകർ മാത്രമാണ് ഈ ചിത്രത്തിന് വേണ്ടി പ്രവർത്തിച്ചത്. അൻവർ അബ്ദുള്ളയുടെ സംവിധാനത്തിൽ മുഹമ്മദ് ക്യാമറ കൈകാര്യം ചെയ്തപ്പോൾ സിനിമയിലെ ഏക വേഷം ചെയ്തതും സംവിധായകൻ തന്നെയാണ്. സംവിധാനത്തോടൊപ്പം അഭിനയം എന്ന വെല്ലുവിളിയും നന്നായി തന്നെ കൈകാര്യം ചെയ്ത അബ്ദുള്ളയാണ് താരം.ജൂൺ 11-ന് റൂട്സ് വീഡിയോയിലൂടെ “മതിലുകൾ ” റിലീസായി.വാർത്ത പ്രചരണം-എ എസ് ദിനേശ്.
English Summary : Mathilukal – Love in the Time of Corona’ Roots video