ന്യൂഡൽഹി: രാജ്യത്ത് വാണിജ്യ ആവശ്യങ്ങൾക്കുള്ള (Commercial) എൽപിജി സിലിണ്ടറുകളുടെ വിലയിൽ വൻ കുറവ്. 19 കിലോഗ്രാം ഭാരമുള്ള കൊമേഴ്സ്യൽ സിലിണ്ടറുകളുടെ വിലയിൽ ഏകദേശം 183.50 രൂപയുടെ കുറവാണ് എണ്ണ വിപണന കമ്പനികൾ പ്രഖ്യാപിച്ചിരിക്കുന്നത്. പുതുക്കിയ നിരക്കുകൾ ജൂലൈ 1 മുതൽ പ്രാബല്യത്തിൽ വന്നു.
ഹോട്ടലുകൾ, റെസ്റ്റോറന്റുകൾ മറ്റ് വാണിജ്യ സ്ഥാപനങ്ങൾ എന്നിവർക്ക് വലിയ ആശ്വാസം നൽകുന്നതാണ് ഈ വിലക്കുറവ്. എന്നാൽ വീടുകളിൽ ഉപയോഗിക്കുന്ന 14.2 കിലോഗ്രാം ഭാരമുള്ള ഗാർഹിക പാചകവാതക (Domestic) സിലിണ്ടറുകളുടെ വിലയിൽ ഇത്തവണ മാറ്റമൊന്നും വരുത്തിയിട്ടില്ല. ഇവ മുൻപത്തെ നിരക്കിൽ തന്നെ തുടരും.
ആഗോള വിപണിയിലെ വിലവ്യതിയാനങ്ങൾക്ക് അനുസൃതമായാണ് എണ്ണ കമ്പനികൾ വാണിജ്യ സിലിണ്ടറുകളുടെ വില കുറയ്ക്കാൻ തീരുമാനിച്ചത്.
