ജമ്മുകാശ്മീർ : പ്രായോഗികമല്ലാത്ത സഖ്യത്തിന് സര്ക്കാരുണ്ടാക്കാന് അവസരം നല്കില്ല, ജമ്മു കശ്മീര് നിയമസഭ പിരിച്ചുവിട്ടതിനെ ന്യായീകരിച്ച് ഗവര്ണര് സത്യപാൽ മലിക്. കുത്തഴിഞ്ഞ അവസ്ഥയില് നിന്ന് സംസ്ഥാനത്തെ രക്ഷിക്കണമെന്നും അദ്ദേഹം പറഞ്ഞു.
പിഡിപിയും നാഷനൽ കോൺഫറൻസും ചേർന്ന് കോൺഗ്രസ് പിന്തുണയോടെ സർക്കാരുണ്ടാക്കാൻ തീരുമാനിച്ച് മണിക്കൂറുകൾക്കുള്ളിലാണ് ഗവര്ണര് നിയമസഭ പിരിച്ചുവിട്ടത്. പിഡിപിയും കോൺഗ്രസും നാഷനൽ കോൺഫറൻസും ചേർന്ന് സർക്കാരുണ്ടാക്കാനുള്ള തീരുമാനം ബിജെപി യെ ഞെട്ടിച്ചു. സർക്കാരുണ്ടാക്കാൻ അവകാശമുന്നയിച്ച് പിഡിപി നേതാവ് മെഹ്ബൂബ മുഫ്തി ഗവർണർക്ക് കത്തുനൽകാൻ ശ്രമിക്കുന്നതിനിടെയാണ് അപ്രതീക്ഷമായ ഗവർണർ നിയമസഭാ പിരിച്ചുവിട്ടത്.
രാഷ്ട്രീയ നീക്കങ്ങളുമായി ബിജെപി എം.എല്.എമാരുടെ യോഗം ഇന്ന് ചേരും.
