ട്രാഫിക് പിഴ 50% ഇളവോടെ ഓൺലൈനായി എങ്ങനെ അടയ്ക്കാം? എളുപ്പവഴികൾ ഇതാ…

സംസ്ഥാന മോട്ടോർ വാഹന വകുപ്പ് ട്രാഫിക് പിഴകളിൽ പ്രഖ്യാപിച്ച 50% ഇളവ് (Amnesty Scheme) പ്രയോജനപ്പെടുത്താനുള്ള അവസാന തിയ്യതി (ഏപ്രിൽ 30, 2026) വളരെ അടുത്തെത്തിയിരിക്കുകയാണ്. നിങ്ങളുടെ വാഹനത്തിലുള്ള പഴയ ഇ-ചെല്ലാനുകൾ പകുതി തുക നൽകി എങ്ങനെ എളുപ്പത്തിൽ ഓൺലൈനായി അടച്ചുതീർക്കാം എന്ന് താഴെ പറയുന്നു.

ആവശ്യമായ വിവരങ്ങൾ:

• നിങ്ങളുടെ വാഹനത്തിന്റെ രജിസ്ട്രേഷൻ നമ്പർ (Vehicle Registration Number)
• വാഹനത്തിന്റെ ചേസിസ് നമ്പർ (Chassis Number). (വാഹനത്തിന്റെ ആർ.സി ബുക്കിൽ ഇത് ലഭ്യമാണ്).
• ഓൺലൈൻ പേയ്മെന്റ് ചെയ്യാനുള്ള സൗകര്യം (UPI / ഡെബിറ്റ് കാർഡ് / നെറ്റ് ബാങ്കിങ്).

എങ്ങനെ പിഴ അടയ്ക്കാം? (Step-by-Step Guide):

കേരള മോട്ടോർ വാഹന വകുപ്പിന്റെ ഔദ്യോഗിക വെബ്സൈറ്റ് വഴിയോ, കേന്ദ്ര സർക്കാരിന്റെ പരിവാഹൻ പോർട്ടൽ വഴിയോ നിങ്ങൾക്ക് പിഴ അടയ്ക്കാവുന്നതാണ്. ഇതിനായുള്ള ഘട്ടങ്ങൾ താഴെ പറയുന്നവയാണ്:

• ഘട്ടം 1: നിങ്ങളുടെ മൊബൈലിലോ കമ്പ്യൂട്ടറിലോ കേരള മോട്ടോർ വാഹന വകുപ്പിന്റെ ഔദ്യോഗിക സർവീസ് വെബ്സൈറ്റ് ആയ https://services.mvd.kerala.gov.in സന്ദർശിക്കുക.
• ഘട്ടം 2: പുതിയ പേജിൽ ‘Vehicle Number’ കൊടുക്കുക
• ഘട്ടം 3: വാഹന നമ്പർ നൽകിയ ശേഷം, താഴെയുള്ള കോളത്തിൽ ചേസിസ് നമ്പർ കൃത്യമായി ടൈപ്പ് ചെയ്യുക.
• ഘട്ടം 4: മൊബൈൽ നമ്പർ കൊടുക്കുക
• ഘട്ടം 5: സ്ക്രീനിൽ കാണുന്ന ക്യാപ്ച (Captcha) കോഡ് കൂടി നൽകി ‘Fetch Chellans ‘ എന്ന ബട്ടണിൽ ക്ലിക്ക് ചെയ്യുക.
• ഘട്ടം 6: ഇപ്പോൾ നിങ്ങളുടെ വാഹനത്തിന്റെ പേരിലുള്ള മുഴുവൻ പിഴകളുടെയും വിവരങ്ങൾ താഴെ ലിസ്റ്റ് ചെയ്തതായി കാണാം. 2024 ഡിസംബർ 31-ന് മുൻപുള്ള പിഴകളാണെങ്കിൽ 50% ഇളവ് കഴിച്ചുള്ള തുകയടക്കാം

പ്രത്യേകം ശ്രദ്ധിക്കുക:

• 2024 ഡിസംബർ 31 വരെയുള്ള ട്രാഫിക് നിയമലംഘനങ്ങൾക്ക് ലഭിച്ചിട്ടുള്ള ഇ-ചെല്ലാനുകൾക്ക് മാത്രമാണ് ഈ 50 ശതമാനം ഇളവ് ലഭിക്കുക.
• ഒറ്റത്തവണ തീർപ്പാക്കൽ പദ്ധതിയുടെ കാലാവധി 2026 ഏപ്രിൽ 30-ന് അവസാനിക്കും. അതിന് ശേഷം മുഴുവൻ തുകയും അടയ്ക്കേണ്ടി വരും.
• കെട്ടിക്കിടക്കുന്ന പിഴകൾ അടച്ച് തീർത്തില്ലെങ്കിൽ വാഹനത്തിന്റെ ഫിറ്റ്നസ്, പെർമിറ്റ്, ഉടമസ്ഥാവകാശം മാറ്റൽ തുടങ്ങിയ മറ്റ് എം.വി.ഡി (MVD) സേവനങ്ങൾ തടസ്സപ്പെടുന്നതാണ്. അതിനാൽ ഈ സുവർണ്ണാവസരം എത്രയും വേഗം പ്രയോജനപ്പെടുത്തുക.