ബിജെപി ഹർത്താലിനെതിരെ മന്ത്രി കടകംപള്ളി സുരേന്ദ്രൻ

ബിജെപി ഹർത്താൽ ജനം തള്ളിക്കളഞ്ഞു എന്ന് ദേവസ്വംമന്ത്രി കടകംപള്ളി സുരേന്ദ്രൻ. ഏത് വിധേനയും ബലിദാനികളെ സൃഷ്ടിക്കലാണ് ബി ജെ പി തന്ത്രമെന്നും മരിച്ച വേണുഗോപാലൻ നായരുടെ കുടുംബം ഇടതുപക്ഷക്കാരെന്നും വേണുഗോപാലൻ നായർക്ക് മാനസികാസ്വാസ്ഥ്യം ആയിരുന്നെന്നും കടകംപള്ളി സുരേന്ദ്രൻ മാധ്യമങ്ങളോട് വ്യക്തമാക്കി.ഇന്നലെ ബിജെപി സമരപന്തലിന് മുന്നിൽ വേണുഗോപാലൻ നായർ എന്ന വ്യക്തി തീകൊളുത്തി മരിച്ച വിഷയത്തിലാണ് ബി ജെ പി ഹർത്താൽ ആഹ്വാനം ചെയ്തിരുന്നു. എന്നാൽ ശബരിമല വിഷയവുമായി വേണുഗോപാലൻ നായരുടെ മരണത്തിന് യാതൊരു ബന്ധവുമില്ലെന്ന് അദ്ദേഹത്തിന്റെ മൊഴിയിൽ നിന്നും പോലീസ് റിപ്പോർട്ട് നൽകിയിരുന്നു.