ശബരിമല വിഷയം : സമരത്തിനൊരുങ്ങി ബിജെപി

ശബരിമലയില്‍ സ്ത്രീ പ്രവേശനം അനുവദിച്ച സുപ്രീംകോടതി വിധിക്കെതിരെ സമരത്തിനൊരുങ്ങി ബിജെപി. യുവമോർച്ചയും മഹിളാമോർച്ചയും ആയിരിക്കും സമരത്തിന് നേതൃത്വം കൊടുക്കുക .ശബരിമലയുടെ പ്രാധാന്യം നിലനിർത്താൻ വിശ്വാസികളുടെ കൂടെ  ജീവൻ മരണ പോരാട്ടത്തിന് ബിജെപി ഉണ്ടാകുമെന്ന് കോഴിക്കോട് നടത്തിയ പത്രസമ്മേളനത്തിൽ ബിജെപി സംസ്ഥാന അധ്യക്ഷൻ പി.എസ്. ശ്രീധരൻ പിള്ള പറഞ്ഞു .വിശ്വാസം സംരക്ഷിക്കാൻ ഓർഡിനൻസ് ഇറക്കണമെന്നും അദ്ദേഹം ആവശ്യപെട്ടു .റിവ്യൂ ഹർജികൾ  കൊടുക്കാനിരിക്കെ കോടതി വിധി ഉടൻ നടപ്പാക്കണമെന്ന സിപിഎം തീരുമാനം ശബരിമലയെ തകർക്കാൻ ഉള്ള നിഗൂഢ ശ്രമം ആണെന്ന് പി.എസ്. ശ്രീധരൻ പിള്ള പറഞ്ഞു.