സംസ്ഥാനത്ത് നാളെ ബി ജെ പി ഹർത്താൽ

ബി ജെ പി സമരപന്തലിനു മുന്നിൽ തീ കൊളുത്തി ആത്മഹത്യ ശ്രമം നടത്തിയ മുട്ടട സ്വദേശി വേണുഗോപാലൻ നായർ മരിച്ച സംഭവത്തിൽ പ്രതിഷേധിച്ച് നാളെ സംസ്ഥാനം വ്യാപകമായി ബിജെപി ഹർത്താലിന് ആഹ്വാനം ചെയ്തു. രാവിലെ ആറു മുതൽ വൈകിട്ട് ആറു വരെയാണ് ഹർത്താൽ. ശബരിമല തീർത്ഥാടകരെ ഹർത്താലിൽ  നിന്ന് ഒഴിവാക്കി. ഇന്ന്  പുലർച്ചെ രണ്ട് മണിക്കായിരുന്നു സെക്രട്ടേറിയേറ്റിന് മുന്നിലെ ബി ജെ പി സമരപന്തലിനു മുന്നിൽ വേണുഗോപാലൻ നായർ പെട്രോൾ ഒഴിച്ച് തീ കൊളുത്തി അത്മഹത്യയ്ക്ക് ശ്രമിച്ചത്.