ബിഗ് ബോസ് മലയാളം രണ്ടാം സീസണിലൂടെ ശ്രദ്ധേയനായ നടന് പ്രദീപ് ചന്ദ്രന് വിവാഹിതനായി. കരുനാഗപ്പളളി സ്വദേശി അനുപമ രാമചന്ദ്രനെയാണ് നടന് ജീവിതസഖിയാക്കിയത്. ലോക് ഡൗണ് നിയന്ത്രണങ്ങളെല്ലാം പാലിച്ച് അടുത്ത ബന്ധുക്കളുടെയും സുഹൃത്തുക്കളുടെയും സാന്നിദ്ധ്യത്തിലായിരുന്നു വിവാഹം. ബിഗ് ബോസ് താരത്തിന്റെ വിവാഹ ചിത്രങ്ങളെല്ലാം സോഷ്യല് മീഡിയയില് വൈറലായിരിക്കുകയാണ്. പ്രദീപ് വിവാഹിതനായതിന്റെ സന്തോഷം ബിഗ് ബോസിലെ സഹമല്സരാര്ത്ഥികളെല്ലാം സോഷ്യല് മീഡിയയിലൂടെ പങ്കുവെച്ചിട്ടുണ്ട്.”അങ്ങനെ അവൻ കല്യാണംകഴിച്ചു. ഹോ..അളിയാ.. ഹാപ്പി മാരീഡ് ലെെഫ്. സ്വാഗതം അനുപമളിയോ..ഞങ്ങടെ ഫാമിലിയിലേക്കു…എന്നാണ് വീണാ നായര് പ്രദീപിന്റെ വിവാഹ ചിത്രങ്ങള് പങ്കുവെച്ച് കുറിച്ചിരിക്കുന്നത്. കഴിഞ്ഞ ദിവസമായിരുന്നു താന് വിവാഹിതനാകാന് പോവുന്ന വിവരം നടന് സോഷ്യല് മീഡിയയിലൂടെ അറിയിച്ചത്.തിരുവനന്തപുരം ഇന്ഫോസിസ് ജീവനക്കാരിയാണ് അനുപമ. ബിഗ് ബോസില് പങ്കെടുക്കുന്നതിന് മുന്പ് അനുപമയുമായുളള വിവാഹലോചന പ്രദീപിന് വന്നിരുന്നു. അന്ന് വീട്ടുകാര്ക്കെല്ലാം ഒകെയാവുകയും മുന്നോട്ട് പോവാന് തീരുമാനിക്കുകയും ചെയ്തിരുന്നു. എന്നാല് ആ സമയത്താണ് ബിഗ് ബോസ് വന്നത്. പിന്നാലെ ബിഗ് ബോസില് നിന്ന് പ്രദീപ് പുറത്തായ ശേഷം വിവാഹം ഉറപ്പിക്കുകയായിരുന്നു.എന്റെ ഹൃദയത്തോട് അടുത്തുനില്ക്കുന്ന നിങ്ങളെ എല്ലാവരെയും പങ്കെടുപ്പിച്ച് തിരുവനന്തപുരത്ത് വെച്ച് നടത്താന് ആഗ്രഹിച്ചിരുന്ന ചടങ്ങായിരുന്നു ഇതെന്നും എന്നാല് വില്ലനായി എത്തിയ കൊറോണ കാലവും ലോക്ഡോണും നിര്ഭാഗ്യവശാല് ഇല്ലാതാക്കിയെന്ന് നടന് കുറിച്ചിരുന്നു. വിദേശത്തുളള ജ്യേഷ്ഠന് ഉള്പ്പടെ പ്രിയപ്പെട്ട ഒരുപാട് പേര് കൂടെയില്ലാതെ ആണ് ഈ ചടങ്ങ് നടക്കുന്നത്. എല്ലാവരെയും പ്രത്യേകം പ്രത്യേകം അറിയിക്കാന് പറ്റാത്തതില് ക്ഷമിക്കണം.ഒരു പുതിയ ജീവിതം ആരംഭിക്കാന് പോകുന്ന ഞങ്ങള്ക്ക് എല്ലാവരുടെയും അനുഗ്രഹങ്ങളും പ്രാര്ത്ഥനകളും പ്രതീക്ഷിക്കുന്നു. എന്നും പ്രദീപ് ചന്ദ്രന് കുറിച്ചിരുന്നു.
ബിഗ് ബോസ് താരം പ്രദീപ് ചന്ദ്രന് വിവാഹിതനായി
Related Post
-
അമിത് ഷാ സഞ്ചരിച്ച ഹെലികോപ്റ്ററിന് ടേക്ക് ഓഫിനിടെ നിയന്ത്രം നഷ്ടപ്പെട്ടു; അപകടമില്ല
പട്ന: അമിത് ഷാ സഞ്ചരിച്ച ഹെലികോപ്റ്ററിന് ടേക്ക് ഓഫിനിടെ നിയന്ത്രം നഷ്ടമായി. അപകടം ഒഴിവായത് തലനാരിഴയ്ക്ക്. ഹെലികോപറ്റര് ബഫിഹാറിലെ ബെഗുസാരായിയില്…
-
അമ്മയുടെ പ്രായമുള്ള സ്ത്രീകളെ കുറിച്ച് ഈ സൈബര് കുഞ്ഞ് എന്തൊക്കെയാണ് പറയുന്നേ; രാഹുൽ മാങ്കൂട്ടത്തിലിന് എതിരെ പത്മജ
കൊച്ചി: യൂത്ത് കോണ്ഗ്രസ് സംസ്ഥാന അദ്ധ്യക്ഷന് രാഹുല് മാങ്കൂട്ടത്തിലിനെതിരെ ആഞ്ഞടിച്ച് പത്മജ വേണുഗോപാല്. അമ്മയുടെ പ്രായമുള്ള സ്ത്രീകളെ കുറിച്ച് ഈ…
-
മമതയ്ക്ക് അത് കഷ്ടകാലം; ഹെലികോപ്റ്ററിൽ കയറുമ്പോൾ കാല്ഡ വഴുതി; അപകടം ഒഴിവായത് തലനാരിഴയ്ക്ക്
കൊൽക്കത്ത: ബംഗാൾ മുഖ്യമന്ത്രി മമത ബാനർജിക്ക് ഹെലികോപ്റ്ററിൽ നിന്ന് വീണ് പരിക്ക്. ഹെലികോപ്റ്ററിലേക്ക് കയറുമ്പോളാണ് അപകടം സംഭവിച്ചത്. സുരക്ഷാ ഉദ്യോഗസ്ഥന്…