മലയാളികളുടെ പ്രിയതാരം ഭാവന ഡിസംബര് 22ന് വിവാഹിതയാകുമെന്ന് സൂചന. തൃശൂരില് വെച്ചാണ് വിവാഹം. വിവാഹത്തില് അടുത്ത ബന്ധുക്കളും സുഹൃത്തുക്കളും മാത്രമായിരിക്കും പങ്കെടുക്കുക.
ഈ വര്ഷം ഒക്ടോബറില് വിവാഹം നടക്കുമെന്ന് പറഞ്ഞിരുന്നുവെങ്കിലും പിന്നീട് നീട്ടുകയാണുണ്ടായത്. ഇതിനെ തുടര്ന്ന് വിവാഹം മുടങ്ങിയെന്നും നവീന് വിവാഹത്തില് നിന്നും പിന്മാറിയെന്നുമൊക്കെയുള്ള തരത്തില് വാര്ത്തകള് പ്രചരിച്ചു. ഈ വാര്ത്തകള് നിഷേധിച്ച് അടുത്ത വര്ഷം ജനുവരി ആദ്യം തന്നെ വിവാഹമുണ്ടാകുമെന്നാണ് ഭാവനയോട് അടുത്ത വൃത്തങ്ങള് അറിയിച്ചിരുന്നു. ഇതിനുശേഷമാണ് ഇപ്പോള് വിവാഹം 22ന് നടക്കുമെന്ന തരത്തില് പുതിയ വാര്ത്തകള് പുറത്തുവന്നത്.
കന്നഡ സിനിമാ നിര്മാതാവ് നവീനാണ് ഭാവനയുടെ കഴുത്തില് താലിചാര്ത്തുന്നത്. വര്ഷങ്ങള്ക്ക് മുന്പ് ഒരു അഭിമുഖത്തിനിടെ ഭാവന തന്നെയാണ് താന് പ്രണയത്തിലാണെന്നും വിവാഹം ഉടന് ഉണ്ടാകുമെന്നും വെളിപ്പെടുത്തിയത്. എന്നാല് അച്ഛന്റെ വിയോഗത്തെത്തുടര്ന്നു വിവാഹം നീട്ടി വെയ്ക്കുകയായിരുന്നു.
