മലയാളി പ്രേക്ഷകരുടെ ഇഷ്ടതാരങ്ങളില്‍ ഒരാളാണ് കുഞ്ചാക്കോ ബോബന്‍. പതിനാല് വര്‍ഷത്തെ കാത്തിരിപ്പിനൊടുവിലാണ് ചാക്കോച്ചന്റെയും ഭാര്യ പ്രിയയുടെയും ജീവിതത്തിലേക്ക് ആദ്യത്തെ കണ്‍മണി വന്നത്. മകന് ഇസഹാക്ക് ബോബന്‍ കുഞ്ചാക്കോ എന്നായിരുന്നു ചാക്കോച്ചന്‍ പേരിട്ടത്.
ഇസഹാക്കിന്റെ ഒന്നാം പിറന്നാളായിരുന്നു ഇന്നലെ. ചാക്കോച്ചന്റെ ഇസുവിന് പിറന്നാള്‍ ആശംസകളുമായി നിരവധി താരങ്ങളാണ് രംഗത്ത് എത്തിയത്. പേര്‍ളി മാണി, ഉണ്ണിമായ അങ്ങനെ നിരവധി സിനിമാതാരങ്ങളാണ് സോഷ്യല്‍ മീഡിയയിലൂടെ ഇസഹാക്കിന് ജന്മദിന ആശംസകള്‍ നേര്‍ന്നത്.
എന്നാല്‍ ഇപ്പോള്‍ സോഷ്യല്‍ മീഡിയയില്‍ മഞ്ജു വാര്യര്‍ പങ്കുവച്ച ചിത്രമാണ് വൈറല്‍ ആയിരിക്കുന്നത്. ഇസഹാക്കിനെയും എടുത്ത് നില്‍ക്കുന്ന ഫോട്ടോ പങ്കുവച്ചാണ് താരം ജന്മദിന ആശംസകള്‍ നേര്‍ന്നത്. ചിത്രം നിമിഷങ്ങള്‍ക്കകം വൈറല്‍ ആവുകയും ചെയ്തു.