കണ്ണൂർ അശാന്തമായി വീണ്ടും ആക്രമണം

സി.പി.എം കണ്ണൂർ മുൻ ജില്ലാ സെക്രട്ടറി പി.ശശിയുടെ വീടിനു നേരെ ബോംബേറ്. തലശേരിയിലെ വീട്ടിൽ സംഭവ സമയം പി.ശശി ഉണ്ടായിരുന്നില്ല.വി.മുരളീധരൻ എം.പിയുടെയും വാടിയിൽപ്പീടികയിലെ തറവാടിനു നേരെയും ബോംബേറ് ഉണ്ടായി. ഇരിട്ടിയിൽ സി പി എം പ്രവർത്തകൻ വി.കെ. വിശാഖിന് വെട്ടേറ്റു.ഹർത്താലിന്റെ തുടർച്ചയായി അക്രമണ പരമ്പരകൾ കണ്ണൂരിൽ വീണ്ടും നിലയുറപ്പിക്കുകയാണ്. തലശേരിയിൽ പോലീസ് സന്നാഹം ശക്തമാക്കി കണ്ണൂർ എസ്.പി തലശ്ശേരിയിൽ തന്നെ ക്യാംപ് ചെയ്യുന്നുമുണ്ട്. അവധിയിലുള്ള പോലീസുകാരോട് എത്രയും പെട്ടെന്ന് ജോലിയിൽ പ്രവേശിക്കാൻ നിർദ്ദേശം നൽകിയിട്ടുണ്ട്.എ.എൻ ഷംസീർ എം എൽ എ യുടെ തലശ്ശേരി മാടപ്പീടികയിലെ വീടിനു നേരെയും ബോംബേറ് ഉണ്ടായി. കുടുംബാംഗങ്ങൾ ഉണ്ടായിരുന്നുവെങ്കിലും ആർക്കും തന്നെ പരിക്ക് സംഭവിച്ചില്ല.