യുവനടി സനുഷയെ ട്രെയിനിൽ അപമാനിക്കാൻ ശ്രമിച്ച യുവാവ് അറസ്റ്റിൽ .മംഗലാപുരം-തിരുവനന്തപുരം മാവേലി എക്സ്പ്രസിൽ ഇന്ന് പുലർച്ചെയാണ് സംഭവം.ട്രെയിനിൽ ഉറങ്ങിക്കിടക്കവെ ദുരുദ്ദേശ്യത്തോടെ സ്പർശിച്ചെന്നാണു പരാതി. നടിയുടെ പരാതിയെ തുടർന്ന് കന്യകുമാരി സ്വദേശി ആന്റോ ബോസ് എന്നയാളെ റെയിൽവേ പൊലീസ് കസ്റ്റഡിയിലെടുത്തു. സംഭവത്തെക്കുറിച്ച് സനുഷ വിശദീകരിക്കുന്നതിങ്ങനെ
ബുധനാഴ്ച രാത്രി താൻ തിരുവനന്തപുരം കണ്ണൂര് മാവേലി എക്സ്പ്രസ്സില് യാത്ര ചെയ്യവേ വടക്കാഞ്ചേരി സ്റ്റേഷണനില് വച്ചാണ് ദുരനുഭവം ഉണ്ടായത്. തന്റെ അടുത്ത ബെര്ത്തിലെ യാത്രക്കാരനായിരുന്നു ആന്റോ ബോസ്. തന്റെ ശരീരത്തിൽ സ്പർശിക്കുകയും അയാളുടെ കൈ പിടിച്ചുവച്ച് ബഹളം വച്ചിട്ടും അടുത്തുണ്ടായിരുന്ന സഹയാത്രികരാരും സഹായത്തിനെത്തിയിയില്ലെന്നും ഒടുവില് അതേ ട്രെയിനില് ഉണ്ടായിരുന്ന തിരക്കഥാകൃത്ത് ഉണ്ണി ആറും എറണാകുളത്തു നിന്നുള്ള രഞ്ജിത്ത് എന്നയാളുമാണ് സഹായത്തിന് എത്തിയതെന്നും സനൂഷ പറഞ്ഞു .
ഫേസ്ബുക്കില് മാത്രമേ മലയാളിക്ക് പ്രതികരണ ശേഷി ഉള്ളൂവെന്നും നേരിട്ട് ഒരു അനുഭവം ഉണ്ടായപ്പോള് ആരും സഹായത്തിന് എത്താതിരുന്നതില് വിഷമമുണ്ടെന്നും നടി പറഞ്ഞു. താന് പ്രതികരിക്കുന്ന ഒരു പെണ്കുട്ടി ആയതിനാലാണ് ഈ പ്രശ്നത്തെ നേരിടാന് കഴിഞ്ഞത്. നേരെ മറിച്ച് ഒരു സാധാരണ പെണ്കുട്ടി ആയിരുന്നുവെങ്കില് എന്താകുമായിരുന്നു അവസ്ഥയെന്നും സനൂഷ ചോദിക്കുന്നു.
