ആലിൻ ഷെറിൻ എന്ന കുഞ്ഞുമാലാഖ…’; അവയവദാനത്തിലൂടെ മാതൃകയായ മാതാപിതാക്കളെ പ്രശംസിച്ച് മോഹൻലാൽ

അവയവദാനത്തിലൂടെ സഹജീവികൾക്ക് പുതുജീവൻ നൽകി യാത്രയായ ആലിൻ ഷെറിൻ എന്ന കുരുന്നിന്റെ വിയോഗത്തിൽ വികാരാധീനനായി നടൻ മോഹൻലാൽ. മകളുടെ അവയവങ്ങൾ ദാനം ചെയ്യാൻ തീരുമാനിച്ച മാതാപിതാക്കളായ അരുണിനെയും ഷെറിനെയും താരം പ്രശംസിച്ചു. ഫേസ്ബുക്കിലൂടെ പങ്കുവെച്ച കുറിപ്പിലാണ് അദ്ദേഹം ഇക്കാര്യം കുറിച്ചത്.

മോഹൻലാലിന്റെ കുറിപ്പിന്റെ പൂർണ്ണരൂപം:

“തന്റെ സഹജീവികളായ ചില കുരുന്നു ജീവനുകൾക്ക് പുനർജന്മത്തിന്റെ പ്രതീക്ഷകൾ നൽകിയാണ് ആലിൻ ഷെറിൻ എന്ന കുഞ്ഞുമാലാഖ ഈ ലോകത്തോട് വിടപറഞ്ഞത്. ആലിൻ മോളുടെ അവയവങ്ങൾ ദാനം ചെയ്യാൻ തീരുമാനമെടുത്ത മാതാപിതാക്കളായ അരുണും ഷെറിനും മനുഷ്യസ്നേഹത്തിന്റെ ഏറ്റവും വലിയ ഉദാഹരണങ്ങളായി മാറിയിരിക്കുകയാണ്.

ഈ ലോകം മനോഹരമായി നിലനിൽക്കുന്നതു തന്നെ ഇതുപോലെയുള്ള നിസ്വാർത്ഥ സ്നേഹങ്ങളുടെ നിറവെളിച്ചം കൊണ്ടാണ്. ആലിൻ ഇനിയും ജീവിക്കും അവളുടെ പ്രിയപ്പെട്ടവരുടെ ഓർമ്മകളിൽ മാത്രമല്ല, കോടിക്കണക്കിന് മനുഷ്യരുടെ ഹൃദയങ്ങളിൽ കൂടിയും.”

ഈ മാതാപിതാക്കൾ സമൂഹത്തിന് നൽകിയത് വലിയൊരു സന്ദേശമാണെന്നും, ഇത്തരം നിസ്വാർത്ഥ സ്നേഹമാണ് ലോകത്തെ മനോഹരമാക്കുന്നതെന്നും മോഹൻലാൽ കൂട്ടിച്ചേർത്തു. സോഷ്യൽ മീഡിയയിൽ ഇതിനോടകം തന്നെ ഈ കുറിപ്പ് വൈറലായി കഴിഞ്ഞു.

Actor Mohanlal shared an emotional note regarding the passing of little Alin Sherin