ആം ആദ്മി വിജയം, ലഫ്റ്റനന്റ് ഗവർണറുടെ അധികാരം പരിമിതം

ന്യൂഡൽഹി : ഡൽഹിയുടെ പരമാധികാരി ആരാണെന്ന ഹർജിയിൽ കേജരിവാൾ സർക്കാരിന് അനുകൂലമായി സുപ്രിംകോടതി വിധി. ഭരണപരമായ തീരുമാനങ്ങൾ ലഫ്റ്റനന്റ് ഗവർണർ വൈകിക്കരുതെന്നും ലഫ്റ്റനന്റ് ഗവർണറുടെ അധികാരം പരിമിതമാണെന്നും ഡൽഹിയുടെ അധികാരം തിരഞ്ഞെടുക്കപ്പെട്ട സംസ്ഥാന സർക്കാരിനാണെന്നും ജസ്റ്റിസ് ദീപക് മിശ്ര അധ്യക്ഷനായ അഞ്ചംഗ ഭരണഘടനാ ബെഞ്ച് പറഞ്ഞു.

എന്നാൽ ഡൽഹിക്ക് പൂർണ സംസ്ഥാന പദവി നൽകാനാകില്ല, എന്തെകിലും അഭിപ്രായ വത്യാസങ്ങൾ ഉണ്ടായാൽ അവ ചർച്ചയിലൂടെ പരിഹരിക്കണം എന്നും ജസ്റ്റിസ് പറഞ്ഞു. ഈ വിധിയോടെ 2016ൽ ഡൽഹിയുടെ ഭരണതലവൻ ലഫ്. ഗവർണറാണെന്ന ഹൈക്കോടതി വിധിയാണ് സുപ്രീം കോടതി  മറികടന്നത്.