അമ്മാന്: കോവിഡ് പ്രതിരോധ പ്രവര്ത്തനങ്ങളുടെ ഭാഗമായി ജോര്ഡന് സര്ക്കാര് ഏര്പെടുത്തിയ കര്ഫ്യൂവിനെത്തുടര്ന്ന് മുടങ്ങിയ ബ്ലെസിയുടെ ‘ആടുജീവിതം’ സിനിമയുടെ ചിത്രീകരണം പുനരാരംഭിച്ചു. വാദി റമ്മിലാണ് പൃഥ്വിരാജ് നായകനായെത്തുന്ന സിനിമയുടെ ഷൂട്ടിംഗ് പുരോഗമിക്കുന്നത്.
രാജ്യത്തെ കോവിഡ് വ്യാപനത്തില് കുറവ് രേഖപ്പെടുത്തിയതിനാല് സംഘത്തിന് അതേ ലൊക്കേഷനില് തന്നെ ഷൂട്ടിംഗ്
തുടരാന് സര്ക്കാര് അനുമതി നല്കിയെന്നാണ് റിപ്പോര്ട്ട്. റിപ്പോര്ട്ടുകള് ശരിയാണെങ്കില് ജോര്ഡന് ഷെഡ്യൂള് പൂര്ത്തിയായ ശേഷം മാത്രമാകും സംഘം ഇന്ത്യയിലേക്ക് മടങ്ങുന്നത്. ഇക്കാര്യത്തില് ഔദ്യോഗിക സ്ഥിരീകരണം ഉടന് ഉണ്ടാകുമെന്നാണ് പ്രതീക്ഷ.
ചിത്രത്തിന്റെ ആദ്യ രണ്ട് ഷെഡ്യൂളുകള് കേരളത്തിലും ജോര്ഡനിലുമായി പൂര്ത്തിയായി. കേന്ദ്രകഥാപാത്രമായ നജീബായി മാറാന് 30 കിലോ ഭാരം കുറച്ച് മികച്ച മുന്നൊരുക്കമാണ് പൃഥ്വിരാജ് നടത്തിയത്. രണ്ട് ദശാബ്ദങ്ങള്ക്ക് ശേഷം എ.ആര്. റഹ്മാന് മലയാളത്തില് സംഗീത സംവിധായകനായെത്തുന്നുവെന്ന പ്രത്യേകതയും ചിത്രത്തിനുണ്ട്. അമല പോള് ആദ്യമായി പൃഥ്വിരാജിന്റെ നായികയാകുന്ന ചിത്രം കൂടിയാണിത്
