തമിഴ് സൂപ്പർസ്റ്റാർ ദളപതി വിജയ് ഇൻസ്റ്റാഗ്രാമിൽ അക്കൗണ്ട് ആരംഭിച്ചു എന്ന വാർത്ത വളരെ കൗതുകത്തോടെയാണ് ആരാധകർ ഏറ്റെടുത്തത്. ഞായറാഴ്ച വൈകുന്നേരത്തോടെയാണ് ‘ആക്ടർ വിജയ് ‘ എന്ന പേരിലുള്ള വെരിഫൈഡ് അക്കൗണ്ട് ഇൻസ്റ്റാഗ്രാമിൽ പ്രതീക്ഷപെട്ടത്. വിജയ് ഇൻസ്റ്റാഗ്രാം ആരംഭിച്ചു നിമിഷങ്ങൾക്കകം ഫോളോവേഴ്സിന്റെ എണ്ണവും വർധിച്ചു കൊണ്ടിരുന്നു.
രണ്ടു മണിക്കൂർ കൊണ്ട് 2 മില്യൺ ഫോളോവേഴ്സാണ് വിജയ് ഇൻസ്റ്റാഗ്രാമിൽ സ്വന്തമാക്കിയത്. 20 മണിക്കൂറിലേക്ക് അടുക്കുമ്പോൾ 4 മില്യൺ ഫോളോവേഴ്സ് എത്തിയിരിക്കുന്നു. അക്കൗണ്ടിൽ പോസ്റ്റും സ്റ്റോറിയുമെല്ലാം പങ്കുവെച്ചിട്ടുണ്ട്. ‘ഹലോ നൻപൻസ് ആൻഡ് നൻബീസ് ‘ എന്നാണ് ചിത്രത്തിന് താഴെ കുറിച്ചത്. വിജയ് യുടെ ഓഫീസറാണ് അക്കൗണ്ട് കൈക്കാര്യം ചെയ്യുന്നത്. സിനിമാമേഖലയിൽ നിന്ന് അനവധി താരങ്ങൾ വിജയ് യെ സോഷ്യൽ മീഡിയയിലേക്ക് സ്വാഗതം ചെയ്ത് പോസ്റ്റ് പങ്കുവെച്ചിരിക്കുന്നു. ട്വിറ്റർ, ഫേസ്ബുക്ക് എന്നീ സോഷ്യൽ മീഡിയ പ്ലാറ്റ് ഫോമുകളിൽ വിജയ്ക്ക് പ്രൊഫൈലുകളുണ്ട്. ലോകേഷ് കനകരാജിന്റെ സംവിധാനത്തിൽ ഒരുങ്ങുന്ന ‘ലിയോ’ ആണ് വിജയ് യുടെ പുതിയ ചിത്രം. https://www.instagram.com/actorvijay/
