നടി വിൻസി അലോഷ്യസിന്റെ പരാതിയിൽ നടൻ ഷൈൻ ടോം ചാക്കോ നേരിട്ട് വിശദീകരണം നൽകാൻ ഒരുങ്ങുന്നു. തിങ്കളാഴ്ച ഫിലിം ചേംബർ ആസ്ഥാനത്ത് നേരിട്ടെത്തി തന്റെ നിലപാട് വ്യക്തമാക്കുമെന്നാണ് ഷൈനിനോട് അടുത്ത വൃത്തങ്ങൾ സൂചിപ്പിക്കുന്നത്. വിൻസിയുടെ പരാതിയിൽ ഉയർന്ന ആരോപണങ്ങൾക്ക് മറുപടി നൽകാനാണ് ഷൈനിന്റെ നീക്കം.
പരാതി പരിശോധിക്കുന്ന മോണിറ്ററിംഗ് കമ്മിറ്റിയുടെ യോഗവും തിങ്കളാഴ്ച ചേരുന്നുണ്ട്. പൊലീസ് അന്വേഷണവുമായും ഷൈൻ സഹകരിക്കുമെന്ന് അടുത്ത വൃത്തങ്ങൾ അറിയിച്ചു. പരാതിയുമായി ബന്ധപ്പെട്ട കൂടുതൽ വിവരങ്ങൾ യോഗത്തിൽ വെളിപ്പെടുമെന്നാണ് പ്രതീക്ഷിക്കുന്നത്.
