നവംബർ 6 ദീപാവലി ദിനത്തിൽ പ്രദർശനത്തിനെത്തുന്ന വിജയ് പടം സർക്കാറിന്റെ റെക്കോർഡ് മാരത്തോൺ പ്രദർശനവുമായി മെറിലാൻഡ് സിനിമാസ്. പ്രദർശനം തുടങ്ങുന്ന ദിവസം രാവിലെ അഞ്ചു മണിമുതൽ അടുത്ത ദിവസം രാവിലെ അഞ്ചുമണിവരെ 8 ഷോ നടത്തനാണ് തീരുമാനം. കേരള സിനിമ പ്രദർശന ചരിത്രത്തിൽ ആദ്യമായാണ് ഇങ്ങനെ. തിരുവനന്തപുരത്തെ ശ്രീകുമാർ തീയറ്ററിൽ ആണ് രാവിലെ അഞ്ചുമണിമുതൽ സർക്കാരിന്റെ പ്രദർശനം തുടങ്ങുന്നത്. ടിക്കറ്റ് ബുക്കിങ് ആരംഭിച്ചിട്ടുണ്ട്.
നടൻ അജുവർഗീസ് ആണ് തന്റെ സോഷ്യൽമീഡിയ പേജിലൂടെ ഈ വിവരം പങ്കുവച്ചത്.
വിജയ് ആരാധകർ ഏറെ പ്രതീക്ഷതയോടെ കാത്തിരിക്കുന്ന ചിത്രമാണ് സർക്കാർ. കീർത്തി സുരേഷാണ് നായിക. സണ്‍ പിക്ചേഴ്സ് ആണ് സര്‍ക്കാര്‍ നിര്‍മ്മിക്കുന്നത്. എ.ആര്‍.മുരുകദാസ് ആണ് സംവിധാനം