മോഹൻലാലിനെ സംസ്ഥാന ചലച്ചിത്ര പുരസ്‌കാര വിതരണ ചടങ്ങിലേക്ക് ക്ഷണിക്കുന്നതുമായി ബന്ധപ്പെട്ട് നടന്ന പ്രശ്നങ്ങളിൽ മോഹൻലാലിനെ ചടങ്ങിലേക്ക് ക്ഷണിക്കരുത് എന്ന് കാണിച്ച നൽകിയ കത്തിൽ ഒപ്പിടുകയും പൂർണ ബോധത്തോടെയാണ് താൻ ഒപ്പിട്ടത് എന്ന് പറയുകയും ചെയ്തതിനെ തുടർന്ന് സോഷ്യൽ മീഡിയ പേജിൽ നേരിട്ട ആക്രമണത്തെത്തുടർന്ന് സജിത മഠത്തിൽ തന്റെ ഫേസ്ബുക് പേജ് ഡിലീറ്റ് ചെയ്യുന്നതായി അറിയിച്ചു കൊണ്ട് പോസ്റ്റ് ഇട്ടു.
“താര രാജാക്കൻമാരുടെ പ്രൈവറ്റ് വിർച്ച്വൽ ആർമിയുടെ തെറി താങ്ങാൻ ഉള്ള ആരോഗ്യ മോ മാനസിക അവസ്ഥയോ എനിക്കില്ല. അതിനാൽ എന്റെ ഫെയ്ബുക്ക് പേജ് ഡിലീറ്റ് ചെയ്യുന്നു. ഈ പ്രൊഫൈൽ പേജും തൽക്കാലം ഡീആക്ടിവേറ്റ് ചെയ്യേണ്ടി വരും”. എന്നാണ് സജിത തന്റെ പേജിൽ കുറിച്ചത്.
എന്നാൽ പ്രതിഷേധങ്ങളെ തള്ളി മോഹന്‍ലാലിനെ ചടങ്ങില്‍ മുഖ്യാതിഥിയാക്കാന്‍ സര്‍ക്കാര്‍ തീരുമാനിക്കുകയും മോഹൻലാൽ ക്ഷണം സ്വീകരിക്കുകയും ചെയ്തു.
