റോഷ്നി ദിനകർ സംവിധാനം ചെയ്ത മൈ സ്റ്റോറി റിലീസിന് ശേഷം ഏറെ വിവാദങ്ങളിൽ പെട്ടിരുന്നു. പൃഥ്വിരാജുo പാർവതിയും കേന്ദ്ര കഥാപാത്രങ്ങളെ അവതരിപ്പിച്ച മൈ സ്റ്റോറിയുടെ പാട്ടുകൾ റിലീസ് ചെയ്തപ്പോൾ മുതൽ വാർത്തകളിൽ ഇടം പിടിച്ചിരുന്നു. അത്രത്തോളം ഡിസ്ലൈക്കുകളാണ് പാട്ടിന് കിട്ടിയത്.
പാർവതിയുമായി ബന്ധപ്പെട്ട വിവാദo മൂലമാണ് ചിത്രം വിജയിക്കാതെ പോയത് എന്നാണ് വാർത്തകൾ ഉണ്ടായത്. അതിനെ അനുകൂലിച്ചും എതിർത്തും ധാരാളം സംവാദങ്ങൾ ഉണ്ടാവുകയും ചെയ്തിരുന്നു.
എന്തൊക്കെയായാലും ആദ്യ റിലീസിൽ വിജയം കാണാതെപോയ മൈ സ്റ്റോറി വീണ്ടും റിലീസിന് എത്തുകയാണ്. ആഗസ്ററ് 9 ന് ആണ് ചിത്രം വീണ്ടും തീയറ്ററുകളിൽ എത്തുന്നത്.
ഒരുപാട് പ്രതിസന്ധികളെ തരണം ചെയ്തു റോഷ്നി പൂർത്തീകരിച്ച അവരുടെ ആദ്യ സിനിമയായ മൈ സ്റ്റോറി റീ റിലീസിൽ ജനം സ്വീകരിക്കും എന്ന വിശ്വാസത്തിലും പ്രതീക്ഷയിലുമാണ് റോഷ്നി ദിനകർ.
