ടൊവിനോ തോമസ് നായകനായ “മറഡോണ”എന്ന സിനിമയുടെ ആദ്യ പോസ്റ്റര് പുറത്തിറങ്ങി. ടൊവിനോയുടെ ജന്മദിനത്തിന് ആണ് പോസ്റ്റർ റിലീസ് ചെയ്തത്.
ദിലീഷ് പോത്തന് , ആഷിക് അബു, സമീര് താഹിര് എന്നിവരുടെ സഹസംവിധായകനായിരുന്ന വിഷ്ണു നാരായണ് ആദ്യമായി സ്വതന്ത്ര സംവിധായകനാകുന്ന ചിത്രമാണ് “മറഡോണ”.
ചിത്രത്തിന്റെ രചന ലിജോ ജോസ് പല്ലിശ്ശേരിയുടെയും ദിലീഷ് പോത്തന്റെയും സഹ സംവിധായകനായിരുന്ന കൃഷ്ണമൂര്ത്തിയുടെതാണ്. ദീപക് ഡി മേനോന് ഛായാഗ്രഹണം നിര്വ്വഹിക്കുന്നു. മിനി സ്റ്റുഡിയോയുടെ ബാനറില് എസ്. വിനോദ് കുമാറാണ് ചിത്രം നിര്മ്മിച്ചിരിക്കുന്നത്. എക്സിക്യൂട്ടീവ് പ്രൊഡ്യൂസര് സുകുമാര് തെക്കേപ്പാട്ട്.
ചിത്ര സംയോജനം-സെെജു ശ്രീധരന്. സംഗീതം സുഷിന് ശ്യാം , സംഘട്ടനം രാജശേഖരന് മാസ്റ്റര്, കല സാബുമോഹന്,മേക്കപ്പ് റോണക്സ് സേവ്യര്,വസ്ത്രാലങ്കാരം പ്രവീണ് വര്മ്മ,പരസ്യകല ഓള്ഡ്മങ്ക്സ്,ചീഫ് അസോസിയേറ്റ് ഡയറക്ടര് ശ്രീജിത്ത് നായര്,പ്രൊഡക്ഷന് കണ്ട്രോളര് ദീപക് പരമേശ്വരന്.
ബാംഗ്ലൂര്, വണ്ടിപ്പെരിയാര്, ചാവക്കാട്, ആലുവ , എറണാകുളം എന്നിവിടങ്ങളിലായി”മറഡോണ”യുടെ ചിത്രീകരണം പൂര്ത്തിയായി. ടൊവിനോ തോമസിനെ കൂടാതെ ചെമ്പന് വിനോദ്, ശരണ്യ , ശാലു റഹിം, റ്റിറ്റോ , നിസ്താര്, കിച്ചു ടെല്ലസ്, ലിയോണ ലിഷോയ്, ജിന്സ് ഭാസ്കര്, പാര്ത്ഥവി, ശ്രീജിത്ത് നായര് തുടങ്ങിയവരാണ് മറ്റു താരങ്ങള്.
