നടി സ്വാതി റെഡ്ഡി വിവാഹിതയാകുന്നു

സുബ്രഹ്മണ്യപുരം എന്ന തമിഴ് ചിത്രത്തിലൂടെ ശ്രദ്ധ നേടിയ നടി സ്വാതി റെഡ്ഡി വിവാഹിതയാകുന്നു. മലേഷ്യൻ എയർലൈൻസിൽ പൈലറ്റ് ആയ വികാസ് ആണ് വരൻ. ഇരുവരും കുറച്ചു നാളുകളായി പ്രണയത്തിലായിരുന്നു. തെലുങ്കിലെ അസോഷ്യേറ്റ് ഡയറക്ടര്‍ ആയ ശ്രീധര്‍ ശ്രിയാണ് വിവാഹ വാര്‍ത്ത സ്ഥിരീകരിച്ചത്.

ആഗസ്റ്റ് മുപ്പതിന് ഹൈദരാബാദിൽ വച്ചാണ് വിവാഹം. പിന്നീട് സെപ്റ്റംബർ 2ന് കൊച്ചിയില്‍വച്ച് സിനിമയിലെ സഹപ്രവർത്തകർക്കും മറ്റുള്ളവർക്കുമായി റിസപ്ഷനും നടത്തും.

2005 ല്‍ പുറത്തിറങ്ങിയ ഡെയ്ഞ്ചര്‍ എന്ന ചിത്രത്തിലൂടെയായിരുന്നു സ്വാതിയുടെ സിനിമാ അരങ്ങേറ്റം. സുബ്രഹ്മണ്യപുരം എന്ന ചിത്രത്തിലൂടെയാണ് ശ്രദ്ധേയയാകുന്നത്. ആമേൻ എന്ന ചിത്രത്തിലൂടെ മലയാളികളുടെ മനസിലും ഇടം പിടിച്ച നടിയാണ് സ്വാതി. തുടർന്ന് മോസയിലെ കുതിര മീനുകള്‍, ആട് ഒരു ഭീകരജീവിയാണ്, ഡബിള്‍ ബാരല്‍ എന്നീ മലയാളചിത്രങ്ങളിലും സ്വാതി അഭിനയിച്ചു.

#ColoursSwathi wedding will take place in Hyderabad on August 30th with #Vikas (international pilot)..!!! pic.twitter.com/VqWb6u9RUY

— Sreedhar Sri (@SreedharSri4u) August 13, 2018