കൊച്ചി: സെവൻത് ഡേ എന്ന ചിത്രത്തിന് ശേഷം മമ്മൂട്ടിയെ നായകനാക്കി ശ്യാംധർ പുതിയ ചിത്രം സംവിധാനം ചെയ്യുന്നു. മമ്മൂട്ടിയുടെ നായികയായി എത്തുന്നത് ആശാ ശരത്താണ് . ദീപ്തി സതി,ദിലീഷ് പോത്തൻ,ഹരീഷ് കണാരൻ,സോഹൻ സീനുലാൽ എന്നിവർ മറ്റു കഥാപാത്രങ്ങളെ അവതരിപ്പിക്കുന്നു. വിനോദ് ഇല്ലംപിള്ളിയാണ് ഈ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. തികച്ചും ഒരു കുടുംബചിത്രമായ ഇതിനു പേര് നിർദ്ദേശിച്ചിട്ടില്ല. എം ജയചന്ദ്രനാണ്ഇ തിലെ ഗാനങ്ങൾ രചിച്ചിരിക്കുന്നത്. ശ്യാംധറിന്റെ രണ്ടാമത്തെ ചിത്രമായ ഇതിന്റെ നിർമ്മാണം ബി.രാകേഷാണ്.
കൊച്ചി ഒബ്റോണ്‍ മാളില്‍ തീപ്പിടുത്തം
കൊച്ചിയിലെ ഷോപ്പിങ് സെന്ററായ ഒബറോൺ മാളിൽ വൻ തീപിടിത്തം. നാലാം നിലയിൽ പ്രവര്‍ത്തിക്കുന്ന ഫുഡ് കോർട്ടിൽ നിന്നാണ് തീപിടിത്തമുണ്ടായത്. ഇവിടം പൂർണമായും കത്തി നശിച്ചു. തീയറ്ററിൽ സിനിമ കാണുകയായിരുന്നവരെ ഒഴിപ്പിച്ചു. മാളിനുള്ളില്‍ ആരും കുടുങ്ങിയിട്ടില്ലെന്നാണ് നിഗമനം. അഗ്‌നിശമനസേന സ്ഥലത്തെത്തി തീയണയ്ക്കാനുള്ള ശ്രമം തുടരുകയാണ്.
ഹയര്‍ സെക്കന്‍ഡറി ഫലം പ്രഖ്യാപിച്ചു; വിജയം 83.37 ശതമാനം
ഹയര്‍ സെക്കന്‍ഡറി ഫലം പ്രഖ്യാപിച്ചു; വിജയം 83.37 ശതമാനം
തിരുവനന്തപുരം: സംസ്ഥാനത്തു ഹയർസെക്കൻഡറി പരീക്ഷയുടെ വിജയശതമാനം മെച്ചപ്പെട്ടു. ഈ വർഷം 83.37 ശതമാനം വിജയമാണ് കൈവരിച്ചത് . പ്ലസ് ടു വിനു 3,05,262 വിദ്യാർത്ഥികൾ ഉപരിപഠനത്തിനു യോഗ്യത നേടി. 1,75,920 പെണ്‍കുട്ടികളും1,2,932 ആണ്‍കുട്ടികളും വിജയിച്ചു. 11,829 വിദ്യാര്‍ഥികള്‍ക്ക് എല്ലാ വിഷയത്തിലും എ പ്ലസ് നേടി. ഇതില്‍ 8,604 പേര് പെണ്‍കുട്ടികളും 3,225പേര് ആണ്‍കുട്ടികളുമാണ്.ഏറ്റവും കൂടുതൽ വിജയശതമാനം കണ്ണൂർ (87.22) ജില്ലയിലും ഏറ്റവും കുറവ് പത്തനംതിട്ട (77.65) ജില്ലയിലുമാണെന്നു വിദ്യാഭ്യാസ മന്ത്രി വാർത്ത സമ്മേളനത്തിൽപറഞ്ഞു.
8 സർക്കാർ സ്കൂളുകൾ ഉൾപ്പെടെ 83 സ്കൂളുകൾ 100 ശതമാനം വിജയം കൊയ്തു.
സേ/ഇംപ്രൂവ്‌മെന്റ് പരീക്ഷകള്‍ ജൂണ്‍ ഏഴ് മുതല്‍ 13 വരെ നടക്കും. സേ പരീക്ഷയ്ക്ക് പേപ്പറൊന്നിന് 150 രൂപയും ഇംപ്രൂവ്‌മെന്റ് പരീക്ഷയ്ക്ക് 500 രൂപയുമാണ് ഫീസ്.
വിഎച്ച്എസ്ഇ പരീക്ഷയില്‍ 86.79 ആണ് വിജയശതമാനം. പാര്‍ട്ട് ഒന്നിലും രണ്ടിലും ഏറ്റവും ഉയര്‍ന്ന വിജയശതമാനം 93.36 ആണ്. പാര്‍ട്ട് ഒന്നും രണ്ടും മൂന്നിലുമായിഏറ്റവും ഉയര്‍ന്ന വിജയശതമാനം 88.67 ആണ്.
സേ പരീക്ഷയ്ക്കുള്ള അപേക്ഷകള്‍ മേയ് 22 ന് മുന്‍പ് അത് സ്‌കൂള്‍ പ്രിന്‍സിപ്പല്‍മാര്‍ക്ക് സമര്‍പ്പിക്കണം.
സൈബർ ആക്രമണം കേരളത്തിലും
കല്‍പ്പറ്റ/പത്തനംതിട്ട: ഏതാനുംദിവസങ്ങളായി ലോകത്തുടനീളം നാശം വിതച്ചുവരുന്ന മാൽവെയർ വാനാക്രൈ വൈറസ് വയനാട്ടിലും പത്തനംതിട്ടയിലും കണ്ടെത്തി. വയനാട് തരിയോട് പഞ്ചായത്ത് ഓഫീസിലെ നാല് കമ്പ്യൂട്ടറുകളിലും പത്തനംതിട്ട കോന്നി അരുവാപ്പുലം പഞ്ചായത്തിലെ കമ്പ്യൂട്ടറുകളിലുമാണ് വാനാക്രൈ വൈറസുകള്‍ കണ്ടെത്തിയത്. കമ്പ്യൂട്ടറുകളില്‍ നുഴഞ്ഞു കയറി ഫയലുകള്‍ ലോക്ക് ചെയ്യുന്നതാണ് വാനാക്രൈ മാല്‍വേറുകളുടെ ശൈലി.
തരിയോട് പഞ്ചായത്തിലെ കംപ്യൂട്ടറുകളിലാണ് ആക്രമണം കണ്ടെത്തിയത്. അവധി ദിവസമായ ഞായറാഴ്ച്ച കഴിഞ്ഞ് ഇന്ന് ഡ്യൂട്ടിക്കെത്തിയ ജീവനക്കാര്‍ കമ്പ്യൂട്ടറുകള്‍ തുറന്നപ്പോള്‍ ആണ് “വാനാക്രൈ മാല്‍വേറുകള്‍” ഫയലുകള്‍ ലോക്ക് ചെയ്തതായി കണ്ടെത്തിയത്. ഇവിടുത്തെ 4 കംപ്യൂട്ടറുകളിലെ മുഴുവൻ ഫയലുകളും തുറക്കാൻ കഴിയാതെയായി. പണം അടച്ചില്ലെങ്കിൽ ഫയലുകൾ നശിപ്പിക്കുമെന്നാണ് ഭീഷണി. കമ്പ്യൂട്ടറുകളിൽ വിവരങ്ങൾ നഷ്ടപ്പെടാതിരിക്കാൻ 300 ഡോളർ മൂല്യമുള്ള ബിറ്റ്‌കോയിനാണ് ആവശ്യപ്പെട്ടിരിക്കുന്നത്.മൂന്നു ദിവസത്തിനകം പണം നൽകിയില്ലെങ്കിൽ തുക ഇരട്ടിക്കുമെന്നാണ് ഭീഷണി.ഇന്ത്യ ഉൾപ്പെടെ 150 ൽ പരം രാജ്യങ്ങളിലെ രണ്ടു ലക്ഷം കംപ്യൂട്ടറുകളായാണ് ഇതിനകം വാനാക്രൈ ആക്രമണത്തിൽ തകർന്നത്. ഈ സൈബര്‍ ആക്രമത്തിന്റെ പശ്ചാത്തലത്തില്‍ പഴയ ഓപ്പറേറ്റിംഗ് സിസ്റ്റമുള്ള എ ടിഎമ്മുകള്‍ അടച്ചിടണമെന്നു ബാങ്കുകള്‍ക്ക് റിസര്‍വ്വ് ബാങ്ക് മുന്നറിയിപ്പ് നല്‍കിയിട്ടുണ്ട്.
ഒരു രാഷ്ട്രീയ പാര്‍ട്ടിയിലേക്കുമില്ലെന്ന് തമിഴ് സൂപ്പർസ്റ്റാർ രജനീകാന്ത്
ചെന്നൈ: രാഷ്ട്രീയ പ്രവേശനവുമായി തനിക്കെതിരെ നിലനിന്നിരുന്ന അനിശ്ചിതത്വം തുറന്നു പറഞ്ഞു തമിഴ് സൂപ്പർസ്റ്റാർ രജനീകാന്ത്. നീണ്ട ഇടവേളയ്ക്കു ശേഷം ആരാധകരുമായി നടത്തിയ കൂടിക്കാഴ്ചയിലാണ് അദ്ദേഹം തന്റെ അഭിപ്രായം തുറന്നു പറഞ്ഞത്. രാഷ്ട്രീയക്കാര്‍ തന്റെ പേര് ദുരുപയോഗം ചെയ്യുകയായിരുന്നു എന്നും അദ്ദേഹം പറയുകയുണ്ടായി.
തന്നെ ഒരു നടനായിട്ടാണ് ദൈവം സൃഷ്ടിച്ചിരിക്കുന്നതെന്നും ഭാവിയിൽ എന്തുണ്ടാകുമെന്നു തനിക്കറിയില്ലെന്നും രജനീകാന്ത് പറഞ്ഞു. 21 വർഷങ്ങൾക്കുമുൻപ് തിരഞ്ഞെടുപ്പിൽ ഒരു പാർട്ടിയെ പിന്തുണച്ചിരുന്നു. അത് തനിക്കു സംഭവിച്ച ഒരു തെറ്റാണെന്നും ഇപ്പോൾ ഒരു പാർട്ടിയെയും താൻ പിന്തുണക്കുന്നില്ലെന്നും അദ്ദേഹം പറഞ്ഞു.
താൻ എന്നെങ്കിലും രാഷ്ട്രീയത്തിൽ പ്രവേശിച്ചാൽ അത് പൊതുസേവനത്തിനുവേണ്ടി മാത്രമായിരിക്കുമെന്നും പൊതു സേവനം ചെയ്തു പണമുണ്ടാക്കുന്ന ആളുകളെ പിന്തുണക്കുകയില്ലെന്നും ശ്രീലങ്കൻ ജനതക്കും തമിഴർക്കും ഒപ്പമായിരിക്കും തന്റെ നിലപാടെന്നും അദ്ദേഹം പറഞ്ഞു. തന്റെ പേര് ഉപയോഗിച്ച് വോട്ട് പിടിക്കാൻ ചില രാഷ്ട്രീയ പാർട്ടികൾ ശ്രമം നടത്തിയതായും ഇതൊരിക്കലും പ്രോത്സാഹിപ്പിക്കാൻ കഴിയില്ലെന്നും അദ്ദേഹം പറഞ്ഞു. അണ്ണാ ഡി.എം.കെ യ്ക്ക് എതിരെ നേരത്തെ രംഗത്ത് വരുകയുവും പിന്നീട് ബി.ജെ.പി യ്ക്കു പിന്തുണ നൽകുകയും ചെയ്തിരുന്നു.
മഞ്ജുവാര്യരുടെ പുതിയ ചിത്രം ” ഉദാഹരണം സുജാത “
ചാര്‍ളിക്ക് ശേഷം മാര്‍ട്ടിന്‍ പ്രക്കാട്ടും ജോജു ജോര്‍ജും ചേര്‍ന്ന് നിര്‍മ്മിക്കുന്ന ഉദാഹരണം സുജാതയുടെ ചിത്രീകരണം തിരുവനന്തപുരത്ത് ആരംഭിച്ചു .ഉദാഹരണം സുജാതയിൽ നായികയായി എത്തുന്നത് മഞ്ജുവാര്യര്‍ ആണ് .വീടുകളിൽ ജോലിക്കുനിൽക്കുന്ന ഒരു സാധാരണകാരിയുടെ കഥയാണ് ഉദാഹരണം സുജാതയിൽ പറയുന്നത് .
പൂമരത്തിലെ രണ്ടാമത്തെ പാട്ട് പുറത്തിറക്കി
ജയറാമിന്റെ മകൻകാളിദാസനെ നായകനാക്കി എബ്രിഡ് ഷൈൻ ഒരുക്കുന്ന പൂമരം എന്ന ചിത്രത്തിലെ തന്നെ രണ്ടെമത്തെ ഗാനമാണ് പുറത്തിറക്കിയത് . ആദ്യംപുറത്തിറക്കിയ ഞാനും ഞാനും എന്നു തുടങ്ങുന്ന വീഡിയോ ഗാനം യൂ ട്യൂബിൽ ഏറെ ഇഷ്ടപ്പെട്ട മലയാളം വീഡിയോയായി മാറിയിരുന്നു .
റെയിൽവേയുടെ പദ്ധതികൾ എളുപ്പത്തിലാക്കാൻ ചലച്ചിത്ര നടനും എം പി യുമായ ഇന്നസെന്റിന്റെ സത്യാഗ്രഹം
ചാലക്കുടി ലോക്‌സഭാ മണ്ഡലത്തിലെ റെയിൽവേ വികസന പദ്ധതികൾ ഉടൻ പൂർത്തിയാക്കണമെന്നാവശ്യപ്പെട്ട് ചലച്ചിത്ര നടനും എം പി യുമായ ഇന്നസെൻറ് എംപിയുടെ സത്യാഗ്രഹം തുടരുന്നു. പാലരുവി എക്‌സ്പ്രസിന് അങ്കമാലി, ചാലക്കുടി എന്നീ റെയിൽവേ സ്റ്റേഷനുകളിൽ സ്റ്റോപ്പ് അനുവദിക്കുന്നത് ഉൾപ്പെടെയുള്ള ആവശ്യങ്ങളുമായാണ് സത്യാഗ്രഹം. അടിയന്തര പ്രധാന്യത്തോടെ നടപ്പിലാക്കേണ്ട ആവശ്യങ്ങൾ പോലും റെയിൽവേ അവഗണിക്കുകയാണെന്ന് ഇന്നസെൻറ് ആരോപിച്ചു.
സംവിധായകൻ മിഥുൻ മാനുവൽ വിവാഹിതനായി
യുവസംവിധായകൻ മിഥുൻ മാനുവൽ തോമസ് വിവാഹിതനായി. ഡോക്ടറായ ഫിബി ആണ് വധു. വയനാട്ടിൽ തികച്ചും ലളിതമായാണ് വിവാഹചടങ്ങുകൾ നടന്നത്. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹ ചടങ്ങിൽ പങ്കെടുത്തത്.
ജൂഡ് ആന്തണി ജോസഫ് സംവിധാനം ചെയ്ത ഓം ശാന്തി ഓശാനയുടെ തിരക്കഥയെഴുതിയാണ് മിഥുൻ സിനിമാരംഗത്തെത്തിയത്. ആട് ഒരു ഭീകരജീവിയാണ്, ആൻമരിയ കലിപ്പിലാണ്, അലമാര എന്നീ ചിത്രങ്ങൾ സംവിധാനം ചെയ്തിട്ടുണ്ട്
രാമൻറെ ഏദൻതോട്ടം’ത്തിലെ ഗാനങ്ങൾ റിലീസ് ചെയ്തു
കൊച്ചി: കുഞ്ചാക്കോ ബോബൻ – അനു സിത്താര ചിത്രം ‘രാമന്റെ ഏദൻതോട്ടം’ത്തിലെ ഗാനങ്ങൾ റിലീസ് ചെയ്തു. സന്തോഷ് വര്‍മ്മയുടെ വരികൾക്ക് ബിജിബാൽ ഈണം പകർന്ന മൂന്ന് ഗാനങ്ങളാണ് ആൽബത്തിലുള്ളത്. ശ്രേയാ ഘോഷാൽ, സൂരജ് സന്തോഷ്, രാജലക്ഷ്മി എന്നിവർ ആല
രഞ്ജിത്ത് ശങ്കർ തിരകഥയും സംവിധാനവും നിർവഹിച്ച ഈ ചിത്രത്തിൽ ജോജു ജോർജ്, രമേശ് പിഷാരടി, അജു വര്ഗ്ഗീസ്, മുത്തുമണി എന്നിവരും പ്രധാന വേഷങ്ങളിൽ അഭിനയിക്കുന്നുണ്ട്. ഛായാഗ്രഹണം
പാട്ടുകളെ കുറിച്ചുള്ള വിശദാംശങ്ങൾ:
1. അകലെയൊരു കാടിന്റെ
പാടിയത്: ശ്രേയാ ഘോഷാൽ
ഗാനരചന: സന്തോഷ് വര്‍മ്മ
സംഗീതം: ബിജിബാൽ
2. കവിതയെഴുതുന്നു
പാടിയത്: സൂരജ് സന്തോഷ്
ഗാനരചന: സന്തോഷ് വര്‍മ്മ
സംഗീതം: ബിജിബാൽ
3. മാവിലക്കുടിൽ
പാടിയത്: രാജലക്ഷ്മി
ഗാനരചന: സന്തോഷ് വര്‍മ്മ
സംഗീതം: ബിജിബാൽ
പാട്ടുകൾ കേൾകേൾകാം
ശ്രീനിവാസൻ ചിത്രമായ “അയാൾ ശശി” യിലെ ആദ്യ വീഡിയോ സോങ് “ശശിപ്പാട്ട് ” പുറത്തിറക്കി
ശ്രീനിവാസൻ ചിത്രമായ “അയാൾ ശശി” യിലെ ആദ്യ വീഡിയോ സോങ് “ശശിപ്പാട്ട് ” മലയാളത്തിലെ പ്രമുഖ മ്യൂസിക് ലേബൽ ആയ മ്യൂസിക് 247 പുറത്തിറക്കി. വി വിനയകുമാറിന്റെ വരികളിൽ വിനീത് ശ്രീനിവാസൻ ആലപിച്ചിരിക്കുന്ന ഈ ഗാനത്തിന്റെ സംഗീത സംവിധാനം നിർവഹിച്ചിരിക്കുന്നത് ബേസിൽ സി ജെ ആണ്.
സജിൻ ബാബു സംവിധാനം നിർവഹിച്ചിരിക്കുന്ന ഈ ചിത്രത്തിൽ ശ്രീനിവാസൻ, കൊച്ചു പ്രേമൻ, മറിമായം ശ്രീകുമാർ, ദിവ്യ ഗോപിനാഥ്, ജയകൃഷ്ണൻ എന്നിവർ അഭിനയിച്ചിരിക്കുന്നു. പിക്സ് ൻ ടെയിൽസ് ന്റെ ബാനറിൽ പി സുകുമാർ , സുധീഷ് എൻ പിള്ള എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്.
മാധ്യമപ്രവര്‍ത്തകര്‍ക്കെതിരെ എന്തുമാകാമോ : ഹൈക്കോടതി
കൊച്ചി: മന്ത്രി എംഎം മണി നടത്തിയ വിവാദ പ്രസംഗത്തിനെതിരെ രൂക്ഷ വിമര്‍ശനവുമായി ഹൈക്കോടതി. എംഎം മണി നടത്തിയ പ്രസംഗം ഗൗരവതരമെന്നും കേരളത്തിൽ എന്താണു നടക്കുന്നതെന്നും , പൊലീസ് മേധാവി ഇതൊന്നും കാണുന്നില്ലേയെന്നും ഹൈക്കോടതി കോടതി ചോദിച്ചു .
വിവാദ പ്രംസഗത്തില്‍ മന്ത്രി എംഎം മണിക്കെതിരെ കേസെടുക്കണമെന്നാവശ്യപ്പെട്ട് സമര്‍പ്പിച്ച പൊതുതാല്‍പ്പര്യ ഹര്‍ജി പരിഗണിക്കവെയാണ് രൂക്ഷ വിമര്‍ശനവുമായി ഹൈക്കോടതി രംഗത്ത് വന്നത്. സര്‍ക്കാരിന് വേണ്ടി അഡീഷണല്‍ ഡയറ്കടര്‍ ജനറല്‍ ഓഫ് പ്രോസിക്യൂഷനാണ് ഹാജരായത്.
മണിയുടെ പ്രസംഗത്തെ സര്‍ക്കാര്‍ കോടതിയില്‍ ന്യായീകരിക്കാൻ ശ്രമംനടത്തി . സ്ത്രീകള്‍ക്കെതിരെയല്ല മാധ്യമപ്രവര്‍ത്തകര്‍ക്കെതിരെയാണ് മണിയുടെ വിമര്‍ശനമെന്ന് സര്‍ക്കാര്‍ അഭിഭാഷകന്‍ കോടതിയില്‍ വാദിച്ചു. ഇതോടെയാണ് കോടതിയുടെ ഭാഗത്തുനിന്ന് രൂക്ഷമായ വിമര്‍ശനം ഉണ്ടായത് .മാധ്യമപ്രവര്‍ത്തകര്‍ക്കെതിരെ എന്തുമാകാമോ എന്നും , അവരും മനുഷ്യരാണ്, അവര്‍ക്കും പൗരാവകാശങ്ങളുണ്ടെന്നും കോടതി പറഞ്ഞു.വിഷയങ്ങള്‍ ഗൗരവമുള്ളതാനെന്നും വിഷയത്തില്‍ സംസ്ഥാന സര്‍ക്കാരും പോലീസ് മേധാവിയും നിലപാട് ഉടൻ അറിയിക്കണമെന്നും കോടതി പറഞ്ഞു .