തിരുവനതപുരം : സംസ്ഥാനത്തെ മന്ത്രിമാർക്കും വിവിഐപികൾക്കും സഞ്ചരിക്കാൻ ഇനി പുതിയ ആഢംബര കാറുകൾ . മന്ത്രിമാർക്കും വിവിഐപികൾക്കും ഉള്ള വാഹനം വാങ്ങാനുള്ള ചുമതല ടൂറിസം വകുപ്പിനാണ് . 35 ആഢംബര കാറുകളാണ് വാങ്ങിയത്. 24 ഇന്നോവ ക്രിസ്റ്റയും 14 അൾട്ടിസ് കാറുകളുമാണ് ടൂറിസം വകുപ്പ് വാങ്ങിയത്. 28 ലക്ഷം രൂപയാണ് ഒരു ഇന്നോവയുടെ വില 16 ലക്ഷം രൂപയാണ് അൾട്ടിസിന്റെ വില .മന്ത്രിമാര്‍ ആഢംബരം കുറക്കണമെന്നാണ്  മുഖ്യമന്ത്രിയുടെ നിര്‍ദേശമെങ്കിലും വാഹനങ്ങളുടെ കാര്യത്തില്‍ ആഢംബരം കുറയ്‌ക്കേണ്ടെന്നാണ് സര്‍ക്കാര്‍ തീരുമാനം. വി.എസ്. അച്യുതാന്ദന്‍ ഇതുവരെ പുതിയ കാർ ആവിശ്യപെട്ടിട്ടില്ല .ആവിശ്യപെട്ടാൽ അദ്ദേഹത്തിനും നൽകാനാണ്   ടൂറിസം വകുപ്പിന്റെ തീരുമാനം .

ചെന്നൈ: അനധികൃത സ്വത്ത് സമ്പാദനക്കേസില്‍ ശിക്ഷിക്കപ്പെട്ട് ബംഗലൂരുവിലെ ജയില്‍ കഴിയുന്ന എഐഎഡിഎംകെ നേതാവ് വി.കെ ശശികലയ്ക്ക് 30 ദിവസത്തെ പരോൾ ലഭിച്ചു . ഇന്ന് വൈകിട്ട് ശശികല പുറത്തിറങ്ങും.കൈക്കൂലിക്കേസില്‍ അറസ്റ്റിലായ പാര്‍ട്ടി ഡെപ്യൂട്ടി ജനറല്‍ സെക്രട്ടറി ടിടികെ ദിനകരനും കഴിഞ്ഞ ദിവസം ജാമ്യത്തില്‍ പുറത്തിറങ്ങിയിരുന്നു.

തിരുവന്തപുരം : ചേര്‍ത്തല-തിരുവനന്തപുരം പാത ദേശീയപാത തന്നെയെന്ന് സ്ഥിരീകരിച്ച് പൊതുമരാമത്ത് മന്ത്രി ജി. സുധാകരന്‍. കേരളത്തിലെ ദേശീയ പാതകള്‍ ഡീനോട്ടിഫൈ ചെയ്തിട്ടില്ലെന്നും സർക്കാരിന് ഇക്കാര്യത്തിൽ യാതൊരു സംശയവുമില്ലെന്നും അദ്ദേഹം പറഞ്ഞു.ഇക്കാര്യത്തില്‍ പൊതുമരാമത്ത് ഒന്നും ചെയ്യേണ്ടതില്ലന്നും  കോടതിയാണ് വിധിയിൽ വ്യക്തത വരുത്തേണ്ടതെന്നും  ജി. സുധാകരന്‍ കൂട്ടിച്ചേര്‍ത്തു.

ഷൊർണൂർ: ഷൊർണൂർ നിയോജക മണ്ഡലത്തിൽ തിങ്കളാഴ്ച ബിജെപി ഹർത്താൽ പ്രഖ്യാപിച്ചു . ഷൊർണൂർ നഗരസഭയിലെ വാർഡുകൾക്കുള്ള ഫണ്ടുകളിൽ വിവേചനം കാണിചെത്തിനെതിരെ സമരം നടത്തിയ ബിജെപി പ്രവർത്തകരെ പോലീസ് അറസ്റ്റ് ചെയ്തതിൽ പ്രതിഷേധിച്ചാണ് ഹർത്താൽ.രാവിലെ ആറു മുതൽ വൈകിട്ട് ആറുവരെയാണ് ഹർത്താൽ .

തിരുവനന്തപുരം:  ഹൈകോടതി വിധിയോടെ ദേശീയ പാത പദവി നഷ്ടമായ റോഡുകളില്‍ പ്രവർത്തിച്ചിരുന്നു മദ്യശാലകൾ വീണ്ടും തുറക്കുന്നത്തിനെതിരെ കെ.സി.ബി.സി സുപ്രീംകോടതിയെ സമീപിക്കും.

സംസ്ഥാനത്തെ രണ്ട്​ ദേശീയ പാതയോരങ്ങളിലെ മദ്യശാലകൾ വിധിയുടെ അടിസ്ഥാനത്തിൽ റോഡുകളുടെ എൻ.എച്ച്​ പദവി മറുന്നതിലൂടെ തുറക്കാനുള്ള സർക്കാർ തീരുമാനത്തിനെതിരെയാണ് സുപ്രീംകോടതിയെ സമീപിക്കുക.

എന്നാല്‍ മദ്യശാലകൾ പൂട്ടിയിട്ടും മദ്യ ഉപഭോഗം കുറഞ്ഞതായി റിപ്പോർട്ടുകളൊന്നുമില്ല,  ​മദ്യശാലകൾക്ക്​ എൻ.ഒ.സി നൽകുന്നതിന്​ തദ്ദേശ സ്ഥാപനങ്ങളുടെ അവകാശം ഇല്ലാതാക്കിയ ഒാർഡിനൻസ്​ ഇറക്കിയത് വിവേചനം ഇല്ലാതാക്കാനാണ് എന്നും എക്​സൈസ്​ മന്ത്രി ടി.പി രാമകൃഷ്​ണന്‍ പറഞ്ഞു.

ചേര്‍ത്തല – തിരുവനന്തപുരം, കുറ്റിപ്പുറം – വളപട്ടണം എന്നീ റോഡുകളുടെ ദേശീയ പാത പദവിയാണ്​ ഹൈകോടതി വിധിയോടെ നഷ്​ടമായത്. ഈ ഭാഗത്തെ മദ്യശാലകള്‍ക്കാണ് ഹൈകോടതി വിധിയോടെ  പ്രവര്‍ത്തനാനുമതി ലഭിച്ചത്.

ഇൗ മാസം എട്ടിന്​ മദ്യ വിരുദ്ധ സമിതി നിയമസഭ മാർച്ച്​ നടത്താനും തീരുമാനമായിട്ടുണ്ട്​.

ജമ്മു കാശ്മീര്‍ അതിര്‍ത്തിയില്‍ നൗഷേര സെക്ടറിലെ പാക് പ്രകോപനത്തെ തുടര്‍ന്ന് ഇന്ത്യന്‍ സൈന്യം നടത്തിയ തിരിച്ചടിയില്‍ അഞ്ച് പാക് സൈനികര്‍ കൊല്ലപ്പെട്ടു. ആറ് പേര്‍ക്ക് പരിക്കേറ്റു. സംഭവത്തിനു പിന്നാലെ ഇന്ത്യൻ ഡെപ്യൂട്ടി ഹൈക്കമ്മീഷണർ ജെ.പി സിംഗിനെ വിളിച്ചുവരുത്തി പാകിസ്താൻ പ്രതിഷേധം അറിയിച്ചു.

കശാപ്പ് നിരോധനത്തില്‍  കേന്ദ്രവിജ്ഞാപനത്തെ അനുകൂലിച്ച് ഹൈക്കോടതി.കശാപ്പ് നിരോധനമല്ല നിയന്ത്രണമാണ് ചട്ടത്തില്‍ പറഞ്ഞിരിക്കുന്നതെന്നും .കന്നുകാലികളെ വില്‍ക്കുന്നതിനോ വാങ്ങുന്നതിനോ നിയന്ത്രണമില്ലന്നും .മൌലികാവകാശങ്ങളുടെ ലംഘനം ഉണ്ടായിട്ടില്ലെന്നും . വിജ്ഞാപനം പൂര്‍ണാര്‍ത്ഥത്തില്‍ മനസ്സിലാക്കാതെയാണ് ഹർജി നല്കിയിരിക്കുന്നതെന്നും ഹൈക്കോടതി വ്യക്തമാക്കി.