By admin 
തിയേറ്ററുകളിൽ വൻ വിജയം നേടിയ ‘ഗാന്ധി ടോക്സ്’ എന്ന നിശബ്ദ ചിത്രം മാർച്ച് 6 മുതൽ ZEE5-ലൂടെ ആഗോള ഡിജിറ്റൽ പ്രീമിയറിന് ഒരുങ്ങുന്നു.കിഷോർ പാണ്ഡുരംഗ് ബെലേക്കർ സംവിധാനം ചെയ്ത ചിത്രത്തിൽ വിജയ് സേതുപതി, അരവിന്ദ് സ്വാമി, അദിതി റാവു ഹൈദരി, സിദ്ധാർഥ് ജാധവ് എന്നിവർ പ്രധാന വേഷങ്ങളിലെത്തുന്നു.
സീ സ്റ്റുഡിയോസ്, മൂവിമിൽ, ക്യൂറിയസ് എന്നിവർ ചേർന്ന് നിർമ്മിച്ച ഈ ചിത്രം സംഭാഷണങ്ങളില്ലാത്ത, ദൃശ്യങ്ങളിലൂടെ കഥ പറയുന്ന ഒരു ആധുനിക നിശബ്ദ ചിത്രമാണ്.മലയാളം, തമിഴ്, തെലുങ്ക് ഭാഷകളിൽ ചിത്രം പ്രേക്ഷകരിലേക്ക് ലഭ്യമാകും.എ.ആർ. റഹ്മാന്റെ ഹൃദയസ്പർശിയായ സംഗീതം ചിത്രത്തിന് കൂടുതൽ മിഴിവേകുന്നു.
പണവും അഴിമതിയും നിറഞ്ഞ ഒരു ലോകത്ത് ജീവിതം മുന്നോട്ട് കൊണ്ടുപോകാൻ പാടുപെടുന്ന സാധാരണക്കാരൻ്റെ കഥയാണ് ചിത്രം പറയുന്നത്.
തിയേറ്ററുകളിൽ നിന്ന് ലഭിച്ച മികച്ച പ്രതികരണം പ്രേക്ഷകർ സ്വീകരിച്ചു എന്നതിന് തെളിവാണ്. ZEE5-ലൂടെ ചിത്രം കൂടുതൽ ആളുകളിലേക്ക് എത്തുന്നതിൽ എനിക്ക് വലിയ സന്തോഷമുണ്ടെന്ന് വിജയ് സേതുപതി പറഞ്ഞു.നിശബ്ദതയിലൂടെയും ദൃശ്യങ്ങളിലൂടെയും ഒരു വൈകാരിക ലോകം സൃഷ്ടിക്കാനുള്ള കഥ പറച്ചിലിലാണ് ഞാൻ ഈ ചിത്രത്തിലേക്ക് ആകർഷിക്കപ്പെട്ടത് എന്ന് അദിതി റാവു ഹൈദരി കൂട്ടിചേർത്തു.
സംഭാഷണങ്ങളില്ലാതെ കഥ പറയുക എന്നത് വലിയൊരു വെല്ലുവിളിയായിരുന്നു. ദൃശ്യങ്ങളിലും പ്രകടനങ്ങളിലും സംഗീതത്തിലും പൂർണ്ണമായി വിശ്വസിച്ചാണ് ഞങ്ങൾ ഈ സിനിമ ഒരുക്കിയത്.തിയേറ്ററുകളിൽ നിന്ന് ലഭിച്ച കയ്യടി മികച്ച ഒരു പ്രചോദനമാണ്.ഓ ടി ടി യിൽ റിലീസ് ചെയ്യുമ്പോൾ ഈ ചിത്രം പ്രേക്ഷകർക്കിടയിൽ തീർച്ചയായും വലിയ ചർച്ചയാകും എന്ന് കിഷോർ പാണ്ഡുരംഗ് ബെലേക്കർ അഭിപ്രായപെട്ടു.
മാർച്ച് 6 മുതൽ ‘ഗാന്ധി ടോക്സ്’മലയാളം, തമിഴ്, തെലുങ്ക് ഭാഷകളിൽ ZEE5ൽ
ലഭ്യമാകും.