പ്രശസ്ത തെന്നിന്ത്യൻ താരവും അവതാരകയുമായ പേളി മാണി ബഹിരാകാശ സഞ്ചാരി സുനിത വില്യംസിനെ കണ്ടുമുട്ടിയതിന്റെ ആവേശം പങ്കുവെച്ച് രംഗത്ത്. തന്റെ ഇൻസ്റ്റാഗ്രാം പേജിലൂടെയാണ് സുനിത വില്യംസിനൊപ്പമുള്ള ചിത്രം പങ്കുവെച്ചുകൊണ്ട് പേളി ഈ അവിസ്മരണീയ നിമിഷത്തെക്കുറിച്ച് കുറിച്ചത്.
ബഹിരാകാശത്ത് നിന്ന് ഭൂമിയെ കണ്ട ഒരാളായിട്ടുപോലും, സ്വന്തം വീട്ടിലെ ഒരാളെപ്പോലെയാണ് സുനിത സംസാരിച്ചതെന്ന് പേളി പറയുന്നു. ആ കൂടിക്കാഴ്ച തന്നിൽ വലിയ സ്വാധീനം ചെലുത്തിയെന്നും, വികാരഭരിതയായെന്നും താരം കുറിച്ചു.
പേളിയുടെ ഇൻസ്റ്റാഗ്രാം കുറിപ്പിന്റെ പൂർണ്ണരൂപം:
“ഭൂമിയെ ബഹിരാകാശത്ത് നിന്ന് കണ്ട, എന്നാൽ സ്വന്തം വീട്ടിലെ ഒരാളെന്നപോലെ സ്നേഹത്തോടെ സംസാരിച്ച ഒരു വനിതയെ ഞാൻ കണ്ടുമുട്ടി. നന്ദിയും വികാരവായ്പും കൊണ്ട് മനസ്സ് നിറയുന്നു, ഒപ്പം എന്നെന്നും പ്രചോദനമേകുന്ന നിമിഷമാണിത്.
‘യാഥാർത്ഥ്യബോധത്തോടെ സ്വപ്നം കാണൂ’ എന്ന് കേട്ടു വളർന്ന ഓരോ പെൺകുട്ടികൾക്കുമായി ഇത് സമർപ്പിക്കുന്നു.
സുനിത വില്യംസ് ❤️ ആകാശം ഒന്നിന്റെയും അതിരല്ല എന്നതിന്റെ ശക്തമായ ഓർമ്മപ്പെടുത്തൽ.”
നിരവധി ആരാധകരും പ്രമുഖരുമാണ് ഈ പോസ്റ്റിന് താഴെ അഭിനന്ദനങ്ങളുമായി എത്തിയിരിക്കുന്നത്. സ്വപ്നങ്ങൾക്ക് അതിരുകളില്ലെന്ന് തെളിയിക്കുന്നതാണ് ഈ കൂടിക്കാഴ്ചയെന്ന് പലരും കമന്റ് ചെയ്യുന്നു.
Pearle Maaney, Sunita Williams, Instagram Post
