നിവിൻ പോളി നായകനായി എത്തുന്ന പുതിയ ചിത്രം ബേബി ഗേളിന്റെ ട്രെയിലർ പുറത്ത്. കൊച്ചി ലുലുമാളിൽ നടന്ന ചടങ്ങിൽ നിവിൻ പോളി ഉൾപ്പടെയുള്ള താരങ്ങൾ പങ്കെടുത്തു, ക്രിസ്മസ് സെലിബ്രേഷനും നവജാതശിശുവും ഒക്കെയാണ് ട്രെയിലറിന്റെ തുടക്കത്തിലുള്ളത്. തുടർന്ന് ഒരു ത്രില്ലറായാണ് ചിത്രത്തെ ട്രെയിലറിൽ അവതരിപ്പിച്ചിരിക്കുന്നത്. ബോബി സഞ്ജയ് തിരക്കഥ ഒരുക്കിയ ചിത്രം മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് നിർമിക്കുന്നത്. അരുൺ വർമ്മയാണ് ചിത്രം സംവിധാനം ചെയ്യുന്നത്.
മാജിക് ഫ്രെയിംസിനു വേണ്ടി ബോബി സഞ്ജയ് തിരക്കഥ ഒരുക്കുന്ന മൂന്നാമത്തെ ചിത്രമാണ് ബേബി ഗേൾ. മാജിക് ഫ്രെയിംസിന്റെ തന്നെ ബാനറിൽ പുറത്തിറങ്ങിയ ഗരുഡൻ എന്ന ചിത്രത്തിന്റെ സംവിധായകനാണ് അരുൺ വർമ്മ. അപ്രതീക്ഷിതമായി നായകന്റെ ജീവിതത്തിലേക്ക് കടന്നുവരുന്ന സംഭവങ്ങളാണ് സിനിമയുടെ കഥയെ നയിക്കുന്നത്. തിരുവനന്തപുരം നഗരത്തിലടക്കം ലൈവ് ലൊക്കേഷൻ ഷൂട്ടുകൾ നടത്തിയാണ് ചിത്രം പുറത്തിറക്കുന്നത്. ചിത്രത്തിൽ നായികയായി എത്തുന്നത് ലിജോ മോൾ ആണ്. സംഗീത് പ്രതാപ്, അഭിമന്യു തിലകൻ തുടങ്ങിയവർ പ്രധാന കഥാപാത്രമായി ചിത്രത്തിൽ വേഷമിടുന്നുണ്ട്.
Nivin Pauly baby girl official trailer out
