‘പാ.വ’ എന്ന ചിത്രത്തിലെ ‘പൊടിമീശ മുളയ്ക്കണ കാലം’ എന്ന ഹിറ്റ് ഗാനത്തിലൂടെ ശ്രദ്ധേയനായ പ്രശസ്ത സംഗീതസംവിധായകനും ‘വിശേഷം’ സിനിമയിലെ നായകനുമായ ആനന്ദ് മധുസൂദനൻ വിവാഹിതനായി. ശ്രീജ വിജയനാണ് വധു. ചെങ്ങന്നൂർ സബ് രജിസ്ട്രാർ ഓഫീസിൽ വെച്ച് നടന്ന ലളിതമായ ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.
വിവാഹത്തിന്റെ സന്തോഷം പങ്കുവെച്ചുകൊണ്ട് ആനന്ദ് തന്റെ സോഷ്യൽ മീഡിയ പേജിൽ കുറിച്ചതിങ്ങനെ: “നമ്മൾ ഒരിക്കലും അപരിചിതരായിരിക്കാൻ വിധിക്കപ്പെട്ടവരല്ല. ഇന്ന്, നമ്മുടെ ജീവിതത്തിലെ ഏറ്റവും മനോഹരമായ യാത്ര ആരംഭിക്കുന്നു. അതെ… എനിക്ക് ഏറ്റവും അനുയോജ്യയായ വ്യക്തിയെ സന്തോഷത്തോടെ വിവാഹം കഴിച്ചു. അടുത്ത സുഹൃത്തുക്കൾക്കും കുടുംബാംഗങ്ങൾക്കുമൊപ്പം ലളിതമായി നടത്തിയ ഈ ചടങ്ങ് ഞങ്ങളുടെ വിവാഹ അറിയിപ്പായി കണക്കാക്കി എല്ലാവരും പ്രാർത്ഥനകളും അനുഗ്രഹങ്ങളും നൽകണം.”
താൻ നായകനായ ‘വിശേഷം’ എന്ന ചിത്രത്തിന്റെ കഥ, തിരക്കഥ, ഗാനരചന, സംഗീതം എന്നിവയെല്ലാം നിർവ്വഹിച്ചതും ആനന്ദായിരുന്നു. പ്രിയ താരത്തിന് ആരാധകരും സിനിമാ സുഹൃത്തുക്കളും ആശംസകൾ നേർന്നു കഴിഞ്ഞു.
Acclaimed music director and ‘Vishesham’ actor Anand Madhusoodanan has entered wedlock with Sreeja Vijayan
