“കുയിലുകളെയും കാക്കക്കൂട്ടങ്ങളെയും നിയന്ത്രിക്കണം; ടിനി ടോമിനോട് അന്ന് പറഞ്ഞപ്പോൾ പുച്ഛിച്ചു, ഇന്ന് കാലം കാത്തുവെച്ച കണ്ണീർ”: ഓൺലൈൻ മാധ്യമങ്ങൾക്കെതിരെ ആഞ്ഞടിച്ച് അഖിൽ മാരാർ | I warned Tini Tom a year ago, Akhil Marar

പ്രശസ്ത നടൻ സലിം കുമാറിന്റെ മരണാനന്തര ചടങ്ങുകൾക്കിടെ ഓൺലൈൻ മാധ്യമങ്ങളും യൂട്യൂബേഴ്സും അതിരുവിട്ട പെരുമാറ്റം നടത്തിയതിനെതിരെ കടുത്ത ഭാഷയിൽ പ്രതികരിച്ച് സംവിധായകനും ബിഗ് ബോസ് വിജയിയുമായ അഖിൽ മാരാർ. സംസ്കാര ചടങ്ങുകളിൽ പങ്കെടുത്തു മടങ്ങിയ താരങ്ങളെ, പ്രത്യേകിച്ച് നടൻ ടിനി ടോമിനെ സോഷ്യൽ മീഡിയയിൽ പരിഹസിച്ച സംഭവത്തിലാണ് അഖിലിന്റെ കടുത്ത പ്രതികരണം.

“കുയിലുകളെയും കാക്ക കൂട്ടങ്ങളെയും നിയന്ത്രിക്കണം.. അമ്മ ഭാരവാഹി എന്ന നിലയിൽ ടിനി ടോമിനോട് ഞാനിത് ഒരു വർഷം മുൻപ് പറഞ്ഞപ്പോൾ പുച്ഛം കാണിച്ചതിന് കാലം കാത്തു വെച്ച് നൽകിയ കണ്ണീരാണിത്,” എന്ന് അഖിൽ മാരാർ വ്യക്തമാക്കി. മരണവീട്ടിലെ സങ്കടകരമായ അന്തരീക്ഷത്തെപ്പോലും വ്യൂസിനും ലൈക്കിനും വേണ്ടി ദുരുപയോഗം ചെയ്യുന്ന ഓൺലൈൻ മാധ്യമങ്ങൾക്ക് നിയമം മൂലം നിയന്ത്രണം ഏർപ്പെടുത്തണമെന്നും അദ്ദേഹം ആവശ്യപ്പെട്ടു.

മനുഷ്യരുടെ സ്വകാര്യത മാനിക്കപ്പെടേണ്ടതുണ്ടെന്നും, ഇത്തരം ചാനലുകൾക്ക് കൃത്യമായ ലൈസൻസിങ് സംവിധാനവും സർക്കാർ-കോടതി തലങ്ങളിൽ കർശനമായ മാനദണ്ഡങ്ങളും കൊണ്ടുവരണമെന്നും അഖിൽ മാരാർ കൂട്ടിച്ചേർത്തു. ഭാവിയിൽ ഇത്തരം പ്രവണതകൾ ആവർത്തിക്കാതിരിക്കാൻ ശക്തമായ നിയമനടപടികൾ അനിവാര്യമാണെന്നാണ് അദ്ദേഹത്തിന്റെ പക്ഷം.

View this post on Instagram

A post shared by Akhil marar (@akhilmarar1)

I warned Tini Tom a year ago, Akhil Marar