By admin 
ബിഗ് ബോസ് താരവും അവതാരകയുമായ ആര്യയുടെ (Badai Arya) മകൾ റോയ പതിനാലാം വയസ്സിലേക്ക്. മകളുടെ ജന്മദിനം ഏറെ വ്യത്യസ്തമായ രീതിയിൽ ആഘോഷിച്ചതിന്റെ സന്തോഷം പങ്കുവെച്ചിരിക്കുകയാണ് താരം ഇപ്പോൾ. ഇത്തവണത്തെ ജന്മദിനത്തിന് റോയ തിരഞ്ഞെടുത്ത ‘ജംഗിൾ തീം’ ആണ് ആരാധകർക്കിടയിൽ ചർച്ചയാകുന്നത്.
ജന്മദിനത്തിന് എന്ത് തീം വേണമെന്ന് ചോദിച്ചപ്പോൾ, ഒരു കൂട്ടം വന്യമായ പുള്ളിപ്പുലികളെ ഒരു പാർട്ടി ഹാളിൽ പൂട്ടിയിട്ട് ‘ഗർജ്ജിക്കണം’ എന്നായിരുന്നു റോയയുടെ ആഗ്രഹം എന്ന് ആര്യ തമാശരൂപേണ കുറിച്ചു. “റോയയ്ക്ക് 14 വയസ്സ് തികയുന്നത് കാടിന്റെ പശ്ചാത്തലത്തിലും പുള്ളിപ്പുലികളുടെ തീമിലുമാണ്. നിറഞ്ഞ ഗർജ്ജനവും അതിലേറെ ആഘോഷങ്ങളുമായിരുന്നു റോയയുടെ 14-ാം ജന്മദിന പാർട്ടി,” ആര്യ തന്റെ സോഷ്യൽ മീഡിയ പേജിൽ കുറിച്ചു.
മകൾക്കൊപ്പമുള്ള മനോഹരമായ ചിത്രങ്ങളും വീഡിയോകളും ആര്യ പങ്കുവെച്ചിട്ടുണ്ട്. വന്യമൃഗങ്ങളുടെയും കാടിന്റെയും പ്രതീതി ജനിപ്പിക്കുന്ന രീതിയിലായിരുന്നു പാർട്ടിയുടെ അലങ്കാരങ്ങൾ. സെലിബ്രിറ്റികളും ആരാധകരുമടക്കം നിരവധി പേരാണ് റോയയ്ക്ക് ജന്മദിനാശംസകളുമായി എത്തുന്നത്. അമ്മയും മകളും തമ്മിലുള്ള ആത്മബന്ധം പലപ്പോഴും സോഷ്യൽ മീഡിയയിൽ ശ്രദ്ധിക്കപ്പെടാറുണ്ട്.
Arya, recently celebrated her daughter Roya’s 14th birthday