നോബിൾ ബാബു തോമസ് നായകനായി എത്തുന്ന അടവി

കരം എന്ന വിനീത് ശ്രീനിവാസൻ ചിത്രത്തിന് ശേഷം നോബിൾ ബാബു തോമസ് എത്തുന്നത് കാട് പ്രധാന പശ്ചാത്തലമാക്കി ഒരുങ്ങുന്ന അടവി എന്ന ഷോർട്ട് ഫിലിമിലാണ്. വൃദ്ധി വിശാലും കേരളത്തിലെ ഒരു ഗജവീരനും മറ്റു പ്രധാന വേഷങ്ങളിൽ എത്തുന്നുണ്ട്. മലയാളത്തിന് പുറമെ തമിഴ്, തെലുങ്ക് , കന്നഡ, ഹിന്ദി ഭാഷകളിലും അടവി ഒരുങ്ങുന്നുണ്ട്.

അടവി എന്ന പേരിന്റെ അർത്ഥം കാട് എന്നാണ്. പ്രകൃതിയുടെ ഭീതിജനകമായ വശം മാത്രമേ എല്ലാവർക്കും അറിയൂ, എന്നാൽ മാതൃസഹജമായൊരു കരുതലും കൂടിയുണ്ട്. അതേക്കുറിച്ച് പലർ‌ക്കും അറിയില്ല. എന്നും വിസ്മയിപ്പിച്ചിട്ടുള്ള കാടാകുന്ന മാന്ത്രിക പ്രപഞ്ചം അത് നമുക്ക് കാണിച്ച് തരും. അതാണ് അടവിയുടെ പ്രമേയം.

കുളിസീൻ, മറ്റൊരു കടവിൽ എന്നീ ഹിറ്റ് ഷോർട്ട്ഫിലിമുകൾ സംവിധാനം ചെയ്ത രാഹുൽ കെ ഷാജിയാണ് അടവി സംവിധാനം ചെയ്യുന്നത് . കൈലാസം ഡ്രീംവർക്‌സിന്റെ ബാനറിൽ അമൽ ഗോപാലകൃഷ്ണനാണ് നിർമ്മാണം. രാഹുൽ രാജാണ് സംഗീതം ഒരുക്കുന്നത്. അഭിനയത്തിലൂടെ പ്രിയങ്കരനായ അഹമ്മദ് സിദ്ധിഖ് ആണ് കഥയും തിരക്കഥയും സംഭാഷണവും ഒരുക്കിയിരിക്കുന്നത്.ബിലഹരി സ്വതത്ര എഡിറ്ററാകുന്ന ചിത്രംകൂടിയാണ് അടവി. ശ്രീറാം ചന്ദ്രശേഖർ ഛായാഗ്രാഹകൻ. പോസ്റ്റർ ഒരുക്കിയത് സുജിത് ഡിസൈൻസാണ്. ക്രിയേറ്റിവ് ഡയറക്ടർ രാജേഷ് സുബ്രമണ്യം. പ്രൊഡക്ഷൻ കൺട്രോളർ പ്രശോഭ് കെ വി