മലയാളികളുടെ പ്രിയ നടി നിത്യ ദാസ് തന്റെ ജന്മദിനം ഗംഭീരമായി ആഘോഷിച്ചു. ജീവിതത്തിൽ ആദ്യമായി ഒരു ക്രൂയിസ് കപ്പലിൽ വെച്ചായിരുന്നു താരത്തിന്റെ ഇത്തവണത്തെ ജന്മദിനാഘോഷം. സുഹൃത്തുക്കളും കുടുംബാംഗങ്ങളും ചേർന്ന് ഒരുക്കിയ ഈ സർപ്രൈസ് പാർട്ടിയുടെ സന്തോഷവും നന്ദിയും നിത്യ തന്റെ സോഷ്യൽ മീഡിയ പേജിലൂടെ ആരാധകരുമായി പങ്കുവെച്ചു.
തന്റെ ആഗ്രഹങ്ങൾ അവിസ്മരണീയമായ ഓർമ്മകളാക്കി മാറ്റിയ ഏവർക്കും നന്ദി പറഞ്ഞുകൊണ്ടാണ് താരത്തിന്റെ കുറിപ്പ്.
നിത്യ ദാസിന്റെ സോഷ്യൽ മീഡിയ കുറിപ്പിന്റെ പൂർണ്ണരൂപം:
“എന്റെ ജന്മദിനത്തിൽ പറഞ്ഞറിയിക്കാനാവാത്തത്ര കൃതജ്ഞത തോന്നുന്നു! ഈ സർപ്രൈസ് ഇത്രയും സ്പെഷ്യൽ ആക്കാൻ എന്നെ പിന്തുണച്ച എന്റെ എല്ലാ സുഹൃത്തുക്കൾക്കും കുടുംബാംഗങ്ങൾക്കും വലിയൊരു നന്ദി. ഒരു ക്രൂയിസ് കപ്പലിൽ വെച്ച് എന്റെ ആദ്യത്തെ ജന്മദിന പാർട്ടി ആഘോഷിക്കുന്നത് ശരിക്കും മറക്കാനാവാത്ത ഒരു അനുഭവമായിരുന്നു. നിങ്ങളുടെ ഓരോരുത്തരുടെയും സ്നേഹവും ആശംസകളും പരിശ്രമങ്ങളും കാരണം ഇത് കൂടുതൽ വിശേഷപ്പെട്ടതായി മാറി. എന്റെ ഈ ദിവസം ഇത്ര മനോഹരമാക്കിയതിനും, ഞാൻ എക്കാലവും നെഞ്ചോട് ചേർക്കുന്ന ഓർമ്മകളാക്കി എന്റെ ആഗ്രഹങ്ങളെ മാറ്റിയതിനും എല്ലാവർക്കും നന്ദി.”
ഈ സർപ്രൈസ് ഗംഭീരമാക്കാൻ സഹായിച്ച സ്പോൺസർമാർക്കും യാത്ര ഒരുക്കിയവർക്കും ഒപ്പം നിന്ന പ്രിയപ്പെട്ടവർക്കും നടി പ്രത്യേക നന്ദി അറിയിച്ചിട്ടുണ്ട്. പോസ്റ്റ് പങ്കുവെച്ചതിന് പിന്നാലെ നിരവധി ആരാധകരും സിനിമാ രംഗത്തെ സഹപ്രവർത്തകരുമാണ് പ്രിയ നടിക്ക് ആശംസകളുമായി രംഗത്തെത്തിയിരിക്കുന്നത്.
Actress Nitya Das Celebrates First-Ever Cruise Birthday Party
