ന്യൂഡൽഹി: ജാപ്പനീസ് വാഹനനിർമ്മാതാക്കളായ നിസ്സാൻ ഇന്ത്യ വിടുന്നെന്ന ശക്തമായ അഭ്യൂഹങ്ങൾ ഈയിടെ പ്രചരിക്കുന്നുണ്ട്. ചെലവ് ചുരുക്കലിന്റെ ഭാഗമായി വലിയ തോതിൽ ലോകവ്യാപകമായി തൊഴിലാളികളെ പിരിച്ചുവിടാൻ നിസാൻ ഒരുങ്ങുന്നതായി ദേശീയ മാധ്യമങ്ങൾ വരെ റിപ്പോർട്ട് ചെയ്തിരുന്നു. ഇതെല്ലം തന്നെ വാഹനപ്രേമികളുടെ ഇടയിൽ വലിയ ചർച്ചക്കിടയാക്കിയുന്നു. എന്നാൽ കമ്പനി ഇന്ത്യയിൽ തന്നെ തുടരുമെന്ന് നിസാൻ ഇറക്കിയ പത്രക്കുറിപ്പിലൂടെ അറിയിച്ചു. ഇന്ത്യയിലെ ഡീലർമാരോടും ഉപഭോക്താക്കളോടും നിസാൻ എന്നും പ്രതിബദ്ധത പുലർത്തുന്നുവെന്നും പത്രക്കുറിപ്പിൽ പറയുന്നുണ്ട്.
ഈ അഭ്യുഹങ്ങൾക്കിടയിലും നിസാൻ ലോകവ്യാപകമായി അവരുടെ എക്കാലത്തെയും മികച്ച വാഹനങ്ങളിൽ ഒന്നായ മൈക്രയുടെ ഇലക്ട്രിക് വകഭേദം പുറത്തിറക്കിയിരിക്കുകയാണ്. എന്നാൽ മൈക്രയുടെ ഇന്ത്യയിലേക്കുള്ള ഔദ്യോഗിക വരവ് കമ്പനി ഇതുവരെ പ്രഖ്യാപിച്ചിട്ടില്ല. 40 വർഷത്തെ പാരമ്പര്യമുള്ള നിസ്സാൻ മൈക്രയുടെ ഇലക്ട്രിക് വകഭേദം ആദ്യമായാണ് കമ്പനി ഇറക്കുന്നത്. ഈ വർഷത്തോടെ വാഹനം യൂറോപ്യൻ വിപണിയിൽ എത്തുമെന്ന് നിസാൻ പറഞ്ഞു.
പുതിയ മൈക്ര ഇ.വി ഡിസൈൻ ചെയ്തിരിക്കുന്നത് ലണ്ടനിലാണ്. ഡബിൾ ടോൺ ഓപ്ഷനിൽ ലഭിക്കുന്ന മൈക്ര 14 നിറങ്ങളിൽ ലഭ്യമാകും. 18 ഇഞ്ച് വീലുകളിൽ ഒരു ആക്റ്റീവ് വീൽ കവറും ഐകോണിക്, സ്പോർട്ടി അലോയ് വീലുകളും മൈക്രയുടെ മറ്റൊരു പ്രത്യേകതയാണ്. എസ്.യു.വി മോഡലിൽ എത്തുന്ന മൈക്രയ്ക്ക് ടെയിൽലാമ്പുകളിൽ മനോഹരമായ വൃത്താകൃതിയിലുള്ള എൽ.ഇ.ഡി ലൈറ്റിങും കമ്പനി ഉൾപ്പെടുത്തിയിട്ടുണ്ട്.
Nissan could close its operations in India
