സ്ലീക്ക്, ഡാര്‍ക്ക് തീം എസ്യുവികള്‍ക്കായുള്ള വിപണിയില്‍ കരുത്തനെ ഇറക്കി ലാന്‍ഡ് റോവര്‍. സ്റ്റെല്‍ത്ത് പാക്ക്. റേഞ്ച് റോവര്‍ സ്പോര്ട്ട് ഡൈനാമിക് എസ്ഇ ഗ്രേഡിന് മാത്രമായി ലഭ്യമായ ഈ പുതിയ ഓപ്ഷന് ആവശ്യക്കാരും ഏറുകയാണ്. പുതിയ എസ്.യുവിയുടെ രൂപഭംഗി തന്നെയാണ് ഏറ്റവു്ം കൗതുകം. തകര്‍പ്പന്‍ ഇന്റീരിയറിലും ം ബ്ലാക്ക്ഡ് ഔട്ട് ട്രീറ്റ്മെന്റ് വാഗ്ദാനം ചെയ്തു കൊണ്ടാണ് നിരത്തിലേക്ക് ഈ ഗ്ലാമര്‍ താരം എത്തുന്നത്.
കാര്‍പാത്തിയന്‍ ഗ്രേ മെറ്റാലിക് പെയിന്റിലാണ് റേഞ്ച് റോവര്‍ സ്പോര്ട്ട് എഡിഷന്‍ എത്തുന്നത്. രൂപഭംഗിയില്‍ തന്നെ ആരും കണ്ണെടുക്കാതെ നോക്കി നിന്ന് പോകും, റേഞ്ച് റോവര്‍ സ്പോര്ട്ട് ശ്രേണിയിലെ ആദ്യത്തേ പരീക്ഷണം തന്നെയാണിത്. പോറലുകള്‍ അല്ലെങ്കില്‍ കേടുപാടുകള്‍ സംഭവിച്ചാല്‍ എളുപ്പത്തില്‍ നീക്കം ചെയ്യാനും മാറ്റിസ്ഥാപിക്കാനും കഴിയുന്ന തരത്തില്‍ സംരക്ഷിത കവചിതമായ കളര്‍ ഓപ്ഷനും വാഹനത്തില്‍ ഒരുക്കിയിട്ടുണ്ട്.
പുറംഭാഗത്തെ കൗതുകങ്ങളില്‍ താഴത്തെ ഫ്രണ്ട്, റിയര്‍ ബമ്പര്‍ ട്രിം, റൂഫ്, ഹുഡ് വെന്റുകള്‍, ബാഡ്ജിംഗ്, സൈഡ് സില്‍സ് തുടങ്ങിയ പ്രധാന ഘടകങ്ങള്‍ നാര്‍വിക് ബ്ലാക്ക് ഗ്ലോസിലാണ് ഫിനിഷ് ചെയ്തിരിക്കുന്നത്. 23 ഇഞ്ച് വീലുകളാണ് എസ്യുവിയെ കൂടുതല്‍ ഹൈലൈറ്റ് ചെയ്യുന്നത്