ടൊയോട്ട കിർലോസ്‌കർ കാമ്രി ഹൈബ്രിഡ് സ്പ്രിന്‍റ് എഡിഷൻ നിരത്തിലിറക്കി

മുംബൈ: സാധാരണ എലഗൻസ് വേരിയന്റിനേക്കാൾ കൂടുതൽ സ്‌പോർട്ടിയായി ടൊയോട്ട കിർലോസ്‌കർ മോട്ടോർ (ടികെഎം) തങ്ങളുടെ കാമ്രി ഹൈബ്രിഡ് സ്പ്രിന്‍റ് എഡിഷൻ നിരത്തിലിറക്കി. പ്ലാറ്റിനം വൈറ്റ് പേൾ, ഡാർക്ക് ബ്ലൂ മെറ്റാലിക്, ഇമോഷണൽ റെഡ്, സിമന്റ് ഗ്രേ, പ്രീവിയസ് മെറ്റൽ എന്നീ അഞ്ച് കളർ ഓപ്ഷനുകളിലാണ് ഈ പ്രത്യേക പതിപ്പ് പുറത്തിറക്കിയിരിക്കുന്നത്. ബോണറ്റ്, റൂഫ്, ട്രങ്ക് എന്നിവയിൽ മാറ്റ് ബ്ലാക്ക് ഫിനിഷോടെ ഈ ഷേഡുകളെല്ലാം ലഭ്യമാണ് എന്നതാണ് മറ്റൊരു പ്രത്യേകത. 48.50 ലക്ഷം രൂപയാണ് എക്സ്-ഷോറൂം വില.

ഈ പ്രത്യേക പതിപ്പ് പ്രധാനമായും ഡീലർഷിപ്പ് തലത്തിൽ ലഭ്യമായ ഒരു ആക്‌സസറി കിറ്റാണ്. പുറമെയാണ് കൂടുതൽ മെച്ചപ്പെടുത്തലുകൾ കാണാനാവുക. കൂടാതെ കുറച്ച് ഫീച്ചർ അപ്‌ഗ്രേഡുകളും ലഭ്യമാക്കിയിട്ടുണ്ട്.ടൊയോട്ട കാമ്രി സ്പ്രിന്റ് എഡിഷന്റെ പുറംഭാഗത്ത് സ്പോർട്ടി ഫ്രണ്ട്, റിയർ ബമ്പർ എക്സ്റ്റൻഷനുകൾ, ബ്ലാക്ക്-ഔട്ട് 18 ഇഞ്ച് അലോയ് വീലുകൾ, ബൂട്ട് ലൈറ്റിലെ സ്‌പോയിലർ എന്നിവ ഉൾപ്പെടുന്നു. ഡീലർ-ലെവൽ ആക്‌സസറികളായി ആംബിയന്റ് ലൈറ്റിംഗും പുഡിൽ ലാമ്പുകളുമുണ്ട്‌.

camry toyota hybrid