മെയ് 1 ലോക തൊഴിലാളി ദിനം കശുവണ്ടി മേഖലയിൽ കശുവണ്ടി തൊഴിലാളി വഞ്ചനാ ദിനമായി ആചരിച്ചു

കേരളത്തിലെ കശുവണ്ടി മേഖലയിൽ ഏകദേശം മൂന്നര ലക്ഷത്തോളം സ്ത്രീ തൊഴിലാളികൾ പട്ടിണിയിൽ. കേന്ദ്ര – കേരള സർക്കാരിന്റെയും കേരളത്തിലെ ബാങ്കുകളുടെയും തൊഴിലാളി വിരുദ്ധ നിലപാടുകളിൽ കേരള കശുവണ്ടി വ്യവസായ സംയുക്ത സമര സമിതിയുടെ ശക്തമായ പ്രതിഷേധത്തിൽ ഇന്നത്തെ മെയ് ദിനം കശുവണ്ടി തൊഴിലാളി വഞ്ചനാദിനമായി ആചരിച്ചു. ബാങ്കുകളുടെയും കേന്ദ്ര-സംസ്ഥാന സർക്കാരുകളുടെയും ബാങ്കുകളുടെയും  നിലപാടുകൾ മാറ്റി കശുവണ്ടി വ്യവസായം പുനരുദ്ധരിച്ചു  കേരളത്തിൽ  നിലനിർത്തി തൊഴിൽ സ്ഥിരത ഉറപ്പുവരുത്തി ഇല്ലെങ്കിൽ വൻ സമരപരിപാടികളുമായി വീണ്ടും മുന്നോട്ടുപോകുമെന്ന് സംയുക്ത സമരസമിതി നടത്തിയ യോഗത്തിൽ അഭിപ്രായപ്പെട്ടു.  യോഗത്തിൽ സംസ്ഥാന കൺവീനർ രാജേഷ്. കെ സംസ്ഥാന പ്രസിഡൻറ് ബി. നൗഷാദ് വൈസ് പ്രസിഡൻറ് ഡി. മാത്തുക്കുട്ടി തൊഴിലാളികളായ മഞ്ജു, ലളിത, ജലജ എന്നിവർ യോഗത്തിൽ സംസാരിച്ചു.