പോപ്പ് താരം ജസ്റ്റിൻ ബീബറെ തങ്ങളുടെ പുതിയ കാറുകൾ വാങ്ങുന്നതിൽനിന്നു വിലക്കി ഫെറാറി . ഫെറാറിയുടെ എഫ് 458 മോഡൽ കാറിന്റെ ഉടമയാണ് ജസ്റ്റിൻ. തങ്ങളുടെ കാറുകളോട് ഉപയോക്താക്കൾ പുലർത്തേണ്ടുന്ന ബഹുമാനവും പരിചരണവും ജസ്റ്റിന്റെ ഭാഗത്തുനിന്ന് ഉണ്ടാകാത്തതാണ് വിലക്കിന് കാരണം. ജസ്റ്റിൻ തന്റെ ഫെറാറി കാർ ലേലം വെച്ചതും , കാറിന്റേയും സ്റ്റിയറിങ് വീലിലെ കുതിര ലോഗോയുടെ നിറം മാറ്റിയതും, നിശാ ക്ലബ്ബിന്റെ പാർക്കിംഗ് ഏരിയയിൽ രണ്ട് ആഴചയോളം കാർ മറന്നുവെച്ചതുമൊക്കെ വിലക്കിന് കാരണമായി കമ്പിനി പറയുന്നു.
ഇതിന് മുൻപും ഫെറാറി താരങ്ങൾക്ക് വിലക്ക് ഏർപ്പെടുത്തിയിട്ടുണ്ട്. നടി കിം കർദാഷിയാൻ , നടൻ നിക്കോളാസ് കേജ്‌ , ഗായകൻ 50 സെന്റ് തുടങ്ങിയവരാണ് ആ താരങ്ങൾ. തങ്ങളുടെ കാറിന് കിട്ടേണ്ടുന്ന ബഹുമാനം നൽകാതിരുന്നത് ഇത്തിരത്തിൽ വിലക്ക് ഏർപ്പെടുത്തും എന്നാണ് ഫെറാറി പറയുന്നത്
English Summary : justin Bieber has been banned by Ferrari from buying and driving its cars