റോം: സ്വവര്ഗബന്ധത്തിനു നിയമ പരിരക്ഷ നല്കണമെന്ന വിപ്ലവകരമായ നിലപാടുമായി ഫ്രാന്സിസ് മാര്പാപ്പ.സ്വവര്ഗബന്ധം അധാര്മികമാണെന്ന കത്തോലിക്കാസഭയുടെ നിലപാട് തിരുത്തുന്നതാണു മാര്പാപ്പയുടെ വാക്കുകള്. “സ്വവര്ഗാനുരാഗികള്ക്ക് കുടുംബമായി ജീവിക്കാനുള്ള അവകാശമുണ്ട്. അവര് െദെവത്തിന്റെ മക്കളാണ്. അവരെ കുടുംബത്തില്നിന്നു പുറത്താക്കരുത്. സ്വവര്ഗാനുരാഗികളെന്ന പേരില് അവരുടെ ജീവിതം ദുരിതമയമാക്കുകയും അരുത്”- അദ്ദേഹം പറഞ്ഞു.റോം ചലച്ചിത്രമേളയില് ഇന്നലെ പ്രദര്ശിപ്പിച്ച “ഫ്രാന്സെസ്കോ” എന്ന ഡോക്യുമെന്ററിയിലുള്ള അഭിമുഖത്തിലാണ് ഫ്രാന്സിസ് മാര്പാപ്പ നിലപാട് അറിയിച്ചത്. “സ്വവര്ഗാനുരാഗികള്ക്ക് നിയമ പരിരക്ഷ നല്കണം. ഈ നിലപാട് ഞാന് നേരത്തെ തന്നെ സ്വീകരിച്ചിട്ടുള്ളതാണ്. സ്വവര്ഗ വിവാഹത്തെ എതിര്ത്തിരുന്നെങ്കിലും അവര്ക്കു നിയമപരിരക്ഷ നല്കുന്നതിനെ ബ്യൂണസ് അയേഴ്സ് ആര്ച്ച്ബിഷപ്പായിരുന്ന കാലത്തു തന്നെ അനുകൂലിച്ചിരുന്നു.” – അദ്ദേഹം പറഞ്ഞു.സ്വവര്ഗ വിവാഹം നരവര്ഗശാസ്ത്രപ്രകാരമുള്ള അധഃപതനമാണെന്നായിരുന്നു 2013-ല് മാര്പാപ്പയുടെ നിലപാട്. കുട്ടികളുടെ വ്യക്തിത്വവികസനത്തിനു പുരുഷനായ അച്ഛനും സ്ത്രീയായ അമ്മയും വേണമെന്നും അദ്ദേഹം അഭിപ്രായപ്പെട്ടിരുന്നു. അടുത്ത വര്ഷം മാര്പാപ്പ സ്വവര്ഗ വിവാഹത്തെ അനുകൂലിച്ചതായി വാര്ത്ത വന്നെങ്കിലും വത്തിക്കാന് നിഷേധിച്ചിരുന്നു. െവെദികര്ക്കിടയിലുള്ള സ്വവര്ഗാനുരാഗം ഗൗരവമുള്ള വിഷയമാണെന്ന് 2018-ല് അദ്ദേഹം അഭിപ്രായപ്പെട്ടിരുന്നു.ഫ്രാന്സിസ് മാര്പാപ്പയുടെ ജീവിതത്തെക്കുറിച്ചുള്ള ഡോക്യുമെന്ററിയാണു ഫ്രാന്സെസ്കോ. ഇടവകാംഗങ്ങള്ക്കൂടിയായ സ്വവര്ഗാനുരാഗികളായ രണ്ട് പുരുഷന്മാര് ചേര്ന്ന് കുട്ടികളെ വളര്ത്തുന്നതിനെ മാര്പാപ്പ അഭിനന്ദിക്കുന്ന രംഗം ഡോക്യുമെന്ററിയിലുണ്ട്
സ്വവര്ഗ ബന്ധത്തിന് നിയമപരിരക്ഷ നല്കണമെന്നു മാര്പാപ്പ
Related Post
-
ഇസ്രയേൽ-ഇറാൻ സംഘർഷം; വിമാന സര്വീസുകള് താത്കാലികമായി നിര്ത്തിവച്ച് എയര് ഇന്ത്യ
ന്യൂഡൽഹി: ഇസ്രയേലിലേക്കുള്ള വിമാന സര്വീസുകള് താത്കാലികമായി നിര്ത്തിവച്ച് എയര് ഇന്ത്യ. ഇറാൻ- ഇസ്രയേൽ സംഘർഷം തുടരുന്ന സാഹചര്യത്തിലാണ് ടെൽ അവീവിലേക്കും…
-
പുരാവസ്തു തട്ടിപ്പു വീരൻ മോൻസൺ മാവുങ്കലിന്റെ ഭാര്യ കുഴഞ്ഞു വീണു മരിച്ചു; അന്ത്യം പെൻഷൻ വാങ്ങാൻ ക്യൂ നിൽക്കെ
വ്യാജ പുരാവസ്തു തട്ടിപ്പു കേസില് അറസ്റ്റിലായി ജയില് കഴിയുന്ന മോന്സണ് മാവുങ്കലിന്റെ ഭാര്യ കുഴഞ്ഞ് വീണ് മരിച്ചു. പെന്ഷന് വാങ്ങാന്…
-
കാശുണ്ടാക്കുക എന്നല്ലാതെ ഡി.കെ ശിവകുമാറിന് കോൺഗ്രസിൽ എന്ത് റോൾ; പരിഹാസവുമായി രാജീവ് ചന്ദ്രശേഖർ
തിരുവനന്തപുരം: കർണാടക ഉപമുഖ്യമന്ത്രി ഡി.കെ ശിവകുമാറിനെ വിമർശിച്ച് തിരുവനന്തപുരം എൻ.ഡി.എ സ്ഥാനാർത്ഥിയും ബി.ജെ.പി എം.പിയുമായ രാജീവ് ചന്ദ്രശേഖർ. കാശുണ്ടാക്കുക എന്നല്ലാതെ…