മതവികാരം വൃണപ്പെടുത്തി എന്ന കേസിൽ ആക്ടിവിസ്റ്റ് രഹന ഫാത്തിമയെ അറസ്റ്റ് ചെയ്തു. ഫേസ്ബുക്കിൽ അയ്യപ്പഭക്തരെ അധിക്ഷേപിക്കുന്ന രീതിയിൽ രഹന പോസ്റ്റ് ഇടുകയായിരുന്നു. പത്തനംതിട്ട സിഐയുടെ നേതൃത്വത്തിലുള്ള പോലീസ് സംഘം രഹനയെ കൊച്ചിയിൽനിന്നും അറസ്റ്റ് ചെയ്യുകയായിരുന്നു.
ഹൈക്കോടതി ഇവര്ക്ക് മുന്കൂര് ജാമ്യം നിഷേധിച്ചിരുന്നു എന്നിട്ടും അറസ്റ്റ് വൈകുന്നതിനെതിരെ നല്കിയ ഹര്ജി ഇന്ന് കോടതിയുടെ പരിഗണയിൽ വരാനിരിക്കെയാണ് അറസ്റ്റ് .
ശബരിമല സ്ത്രീപ്രവേശനം അനുവദിച്ചുള്ള സുപ്രിംകോടതി വിധിയെത്തുടർന്ന് രഹന ഫാത്തിമ ശബരിമലയിലെത്താന് ശ്രമിച്ചത് വലിയ വിവാദം സൃഷ്ടിച്ചിരുന്നു.
