വിമാനത്തിന്റെ ലാൻഡിങ്ങ് ​ഗിയറിൽ ഒളിച്ചിരുന്ന് അഫ്​ഗാനി ബാലന്റെ യാത്ര; ഡൽഹിയിലെത്തിയത് സുരക്ഷിതമായി

ഡൽഹി: 90 മിനുട്ടിലേറെ വിമാനത്തിന്റെ ലാൻഡിങ് ​ഗിയർ കമ്പാർട്ടുമെന്റിനുള്ളിൽ ഒളിച്ചു യാത്ര ചെയ്ത് ബാലൻ ഡൽഹി വിമാനത്താവളത്തിലെത്തി. 13 വയസ്സ് പ്രായമുള്ള അഫ്​ഗാനിസ്ഥാനിലെ കുണ്ടൂസ് സ്വദേശിയാണ് ബാലൻ. ഇറാനിലേക്ക് പോകാനാണ് കുട്ടി വിമാനത്തിൽ കയറിപ്പറ്റിയത്. ദേശീയ മാധ്യമങ്ങൾ റിപ്പോർട്ടു ചെയ്യുന്നു.

സാധാരണ നടക്കാറുള്ള പരിശോധനയ്ക്കിടയിലാണ് വിമാനത്താവളത്തിലെ ജീവനക്കാർ കുട്ടിയെ കണ്ടെത്തിയത്. തുടർന്ന് കുട്ടിയെ സുരക്ഷാ ചുമതലയിലുണ്ടായിരുന്ന സി ഐ എസ് എഫ് ഉദ്യോ​ഗസ്ഥർക്ക് കൈമാറി. വെളുത്ത പൈജാമയായിരുന്നു കുട്ടിയുടെ വേഷം. 94 മിനുട്ടാണ് ബാലൻ ഇത്തരത്തിൽ യാത്ര ചെയ്തത്. ചുവന്ന നിറത്തിലുള്ള ഒരു ഓഡിയോ സ്പീക്കർ മാത്രമാണ് കുട്ടിയിൽ നിന്നു കണ്ടെത്തിയത്. കുട്ടിയെ ഇമി​ഗ്രേഷൻ വിഭാ​ഗം ഉദ്യോ​ഗസ്ഥർ വിശദമായി ചോദ്യം ചെയ്തു.

airplane landing gear boy safe