തുടർച്ചയായുള്ള കംപ്യൂട്ടർ ഉപയോഗവും മറ്റും കണ്ണിന്റെ പേശികൾക്ക് ക്ഷീണവും ആയാസവും ഉണ്ടാക്കും. കണ്ണിന്റെ ക്ഷീണവും തളർച്ചയും മാറ്റാൻ സഹായിക്കുന്ന ചില നേത്ര വ്യായാമങ്ങൾ നോക്കാം.
1 . അൽപനേരം കണ്ണ് ചിമ്മുക. അതിനു ശേഷം കണ്ണടച്ചുപിടിച്ചു കൃഷ്ണമണി ഘടികാര ദിശയിലും എതിർ ദിശയിലും ചലിപ്പിക്കുക.
2 . ദീർഘമായി ശ്വാസമെടുത്ത് പുറത്തുവിടുക. അതിനുശേഷം കണ്ണുകൾ തുറക്കാം. അഞ്ചു തവണ ഇത് ആവർത്തിക്കണം. കണ്ണ് തുറന്നുവെച്ചും ഇതേപോലെ ചെയ്യാവുന്നതാണ്.
3 . മൂന്നുമുതൽ അഞ്ചു സെക്കൻഡ് വരെ കണ്ണുകൾ മുറുക്കി അടക്കുക. ഇനി അത്രേം സമയം തുറന്നുപിടിക്കുക. ഏഴോ എട്ടോ തവണ ഇത്തവർത്തിക്കാം.
4 . അൻപതു മീറ്റർ അകലെയുള്ള ഒരു വസ്തുവിൽ 10 – 15 സെക്കൻഡ് വരെ നോട്ടം ഫോക്കസ് ചെയ്യുക . അതിനുശേഷം പത്തു മീറ്റർ അകലെയുള്ള വസ്തുവിലേക്കു നോട്ടം മാറ്റി 10 – 15 സെക്കൻഡ് തുടരുക. അഞ്ചുതവണ ഇത് ആവർത്തിക്കണം.