തകർപ്പൻ ഓഫറുമായി ഹോണ്ട; ജി.എസ്.ടി ഇളവോടെ ഇഷ്ടവാഹനങ്ങൾ വാങ്ങാം

പുതിയ ജിഎസ്ടി ഇളവിന്റെ മുഴുവൻ ആനുകൂല്യവും ഉപഭോക്താക്കൾക്ക് നൽകിക്കൊണ്ട് ഹോണ്ട മോട്ടോർ സൈക്കിൾ & സ്കൂട്ടർ ഇന്ത്യ തങ്ങളുടെ സ്കൂട്ടറുകളിലും കമ്മ്യൂട്ടർ മോട്ടോർസൈക്കിളുകളിലും വിലക്കുറവ് പ്രഖ്യാപിച്ചു. 350 സിസി വരെയുള്ള ഇരുചക്ര വാഹനങ്ങളുടെ നികുതി 28% ൽ നിന്ന് 18% ആയി കുറയ്ക്കാനുള്ള ജിഎസ്ടി കൗൺസിലിന്റെ തീരുമാനത്തെ തുടർന്നാണ് ഈ പരിഷ്കരണം. ഇത് ജനപ്രിയ മോഡലുകൾക്ക് 18,887 രൂപ വരെ കുറവുണ്ട്.

ആക്ടിവ 110 സ്കൂട്ടറുകൾക്ക് 7,874 രൂപ വരെയും ഡിയോ 110 ന് 7,157 രൂപ വരെയും വിലക്കുറവ് ലഭിക്കും. 125 സിസി സ്കൂട്ടർ നിരയിൽ, ആക്ടിവ 125 ന് 8,259 രൂപ വരെയും ഡിയോ 125 ന് 8,042 രൂപ വരെയും വിലക്കുറവ് ലഭിക്കും. കമ്മ്യൂട്ടർ ബൈക്കുകളുടെ കാര്യത്തിൽ, ഷൈൻ 100 ന് 5,672 രൂപ വരെയും ഡിയോ 125 ന് 6,256 രൂപ വരെയും വിലക്കുറവ് ലഭിക്കും. യൂണികോണിന് ഏകദേശം 9,948 രൂപയും എസ്പി 125 ന് 8,447 രൂപയും എസ്പി 160 ന് 10,635 രൂപയും വിലക്കുറവ് പ്രഖ്യാപിച്ചിരിക്കുന്നത്.

honda bike new offers