ലണ്ടന്‍: വില്‍റ്റ്‌ഷെയറിലെ അമെസ്ബറിയില്‍ അബോധാവസ്ഥയില്‍ കണ്ടെത്തിയ ദമ്പതിമാര്‍ക്കുനേരെ പ്രയോഗിക്കപ്പെട്ടത് നൊവിഷോക് എന്ന നെര്‍വ് ഏജന്റ് ( നാഡി വ്യൂഹത്തെ ബാധിക്കുന്ന വിഷ വസ്തു ) തന്നെയെന്ന് നേരത്തെ സ്ഥിരീകരിച്ചിരുന്നു . വിഷബാധ ഏറ്റ ദമ്പതികളിൽ സ്ത്രീ മരിച്ചിരുന്നു . ഭർത്താവ്‌ ചാർളി റോയി ആശുപത്രിയിൽ വളരെ ഗുരുതരമായ സ്ഥിതിയിൽ കഴിയുകയാണ് .
ഇവരുടെ വീട്ടിൽ നിന്ന് ഒരു ചെറിയ കുപ്പി വിഷ വസ്തു പൊലീസ് കണ്ടെത്തി . കുപ്പിയിലെ വിഷവസ്തു നൊവിഷോക് എന്ന നെര്‍വ് ഏജന്റ് തന്നെയാണെന്ന് പോലീസ് സ്ഥിദ്ധീകരിച്ചു . മുന്‍ റഷ്യന്‍ ചാരന്‍ സെര്‍ജി സ്‌ക്രിപാലിനും മകള്‍ യൂലിയയ്ക്കും നേരെ പ്രയോഗിക്കപ്പെട്ട അതേ മിലിട്ടറി ഗ്രേഡ് വിഷം തന്നെയാണോ ഇതെന്നും ഇത് അമെസ്ബറി ദമ്ബതികള്‍ക്ക് എങ്ങനെ ലഭിച്ചു എന്നും പോലീസ് അനേഷണം ആരംഭിച്ചു .