കൊച്ചി: അബുദാബിയില് നിന്നുള്ള പ്രവാസികളുമായി ആദ്യ വിമാനം കൊച്ചിയിലെത്തി. 181 പേരാണ് വിമാനത്തിലുള്ളത്. നാല് കുട്ടികളും 49 ഗര്ഭിണികളും വിമാനത്തിലുണ്ട്.
ആദ്യ വിമാനത്തിലെ 60 യാത്രക്കാരും തൃശൂര് സ്വദേശികളാണ്. ഇവര്ക്ക് പോകാനായി മൂന്ന് കെഎസ്ആര്ടിസി ബസുകള് ഒരുക്കിയിട്ടുണ്ട്. എട്ട് കെഎസ്ആര്ടിസി ബസുകളും 40 ഓളം ടാക്സികളും യാത്രക്കാര്ക്കായി സജ്ജമാക്കിയിട്ടുണ്ട്.
30 പേരെ വീതം ആറു ബാച്ചുകളായി തിരിച്ചാണ് പുറത്തേക്ക് ഇറക്കുക. തെര്മല് സ്കാനര് സംവിധാനം വഴി ഇവരെ പരിശോധിക്കും. രോഗലക്ഷണമുള്ളവരെ കൊവിഡ് കെയര് സെന്ററിലേക്ക് മാറ്റും.
