തനിക്ക് ലഭിക്കുന്ന കഥാപാത്രങ്ങൾ മികച്ചതാക്കാൻ എന്ത് സാഹസത്തിനും തയ്യാറാകുന്ന നടിയാണ് അനുമോൾ . അനുമോൾ അവതരിപ്പിക്കുന്ന കഥാപാത്രങ്ങൾക്ക് എന്തെകിലും പ്രത്യേകതകൾ കാണാറുമുണ്ട്. വത്യസ്ഥമായ കഥാപാത്രങ്ങളാൽ പ്രേക്ഷകശ്രദ്ധ നേടുന്ന അനുമോൾ ഇപ്പോൾ തന്റെ പേജിൽ പങ്കുവച്ച ചിത്രങ്ങളിലൂടെ വാർത്തയിൽ ഇടംപിടിച്ചിരിക്കുകയാണ്.
ഇതുവരെ പൂർത്തിയാകാത്ത ഒരു സിനിമയുടെ സെറ്റിലെ ചിത്രങ്ങളാണ് അനുമോൾ തന്റെ പേജിലൂടെ പങ്കുവച്ചത്. തല മൊട്ടയടിച്ചുള്ള നടിയുടെ ചിത്രങ്ങൾ ഇതിനോടകം തന്നെ വൈറലായി.
“ചില വേഷങ്ങൾ നമ്മുടെ ജീവിതം തന്നെ മാറ്റിമറിക്കും. അഭിനേതാവ് എന്ന രീതിയിൽ മാത്രമല്ല വ്യക്തി എന്ന നിലയിലും കഥാപാത്രങ്ങൾ നമ്മിൽ മാറ്റം വരുത്താറുണ്ട്. എന്നെ സംബന്ധിച്ചടത്തോളം അങ്ങനെയൊരു കഥാപാത്രമായിരുന്നു ഇത്. ഒരുപാട് പേരുടെ കഷ്ടപ്പാട് ആയിരുന്നു ഈ സിനിമ. അങ്ങനെയുള്ള ഈ ചിത്രം,പൂർത്തിയാക്കാൻ സാധിക്കാത്തതിലുള്ള ഞങ്ങളുടെ വിഷമം നിങ്ങൾക്ക് ചിന്തിക്കാവുന്നതേ ഒള്ളൂ. അനിൽ തോമസ് ആയിരുന്നു മരം പെയുമ്പോൾ എന്ന സിനിമയുടെ സംവിധാനം. എനിക്ക് മേക്കപ്പ് ചെയ്തത് പട്ടണം ഷാ ഇക്ക” എന്ന കുറുപ്പോടെയാണ് അനുമോൾ ചിത്രങ്ങൾ പങ്കുവച്ചത്.
