ബോളിവുഡ് താര ജോഡികളായ ദീപികയും രൺവീർ സിംഗും വിവാഹിതരായി. ഇറ്റലിയിലെ ആഡംബര റിസോർട്ടിൽ വച്ചായിരുന്നു കൊങ്കിണി രീതിയിലുള്ള വിവാഹച്ചടങ്ങുകൾ നടന്നത്. രണ്ടു രീതിയിലുള്ള വിവാഹ ചടങ്ങുകളാണ് നടക്കുക. ഇന്ന് നടന്ന കൊങ്കിണി രീതിക്കുപുറമെ നാളെ സിഖ് രീതിയിലുള്ള ചടങ്ങുകളും നടക്കും.
ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങുകളിൽ പങ്കെടുക്കുക. വളരെ ശക്തമായ സുരക്ഷയാണ് ഒരുക്കിയിരിക്കുന്നത്. ക്യുആർ കോഡ് സ്കാൻ ചെയ്തതിനുശേഷമാണ് അതിഥികളെ വിവാഹ വേദിയിൽ കയറാൻ അനുവദിക്കുന്നത്. മാധ്യമങ്ങള്‍‌ക്കോ മൊബൈല്‍ ഫോണുകള്‍ക്കോ പോലും വിവാഹ സ്ഥലത്തേയ്ക്ക് പ്രവേശനാനുമതി ഇല്ല. നവംബർ 28ന് മുംബൈയില്‍ വെച്ച് സുഹൃത്തുക്കൾക്കും ബന്ധുകൾക്കുമായി വിവാഹസ്തകാരം നടക്കുo.
വിവാഹ സമ്മാനം ഒന്നും വേണ്ട എന്നു പറയുന്നതിനോടൊപ്പം സമ്മാനം നൽകാൻ ആഗ്രഹിക്കുന്നവർ ആ തുക ദീപിക നേതൃത്വം നൽകുന്ന ചാരിറ്റി ഫൗണ്ടേഷൻ ലൈവ് ലൗ ലാഫ് ന് നൽകിയാൽ മതിയെന്നാണ് താരങ്ങളുടെ അപേക്ഷ. മാനസികാരോഗ്യം വീണ്ടെടുക്കാനും മനോരോഗം ബാധിച്ചവരുടെ പുനരുധരാണത്തിനും വേണ്ടിയുള്ള ചാരിറ്റി ഫൗണ്ടേഷനാണ് ദീപിക നേതൃത്വം നൽകുന്നത്.