- തിരുപ്പതി ശ്രീവെങ്കിടേശ്വരന്റെ പ്രസാദം ലഭിച്ചാൽ ഭക്തരുടെ ജീവിതത്തിൽ അപാരമായ ഭാഗ്യാനുഭവങ്ങളുണ്ടാകും. തിരുപ്പതി ദർശനവേളയിൽ നിരന്തരം ജപിക്കേണ്ട മന്ത്രം ഇതാണ് : ഓം നമോ വെങ്കിടേശായ. അതിശക്തമായ മന്ത്രമാണിത്. ക്ഷിപ്രഫലസിദ്ധി ഉറപ്പാണ്.
2 . ശനിദോഷം തീരാൻ ഏറ്റവും നല്ല പരിഹാരമാണ് ബാലാജി ദർശനം. ജാതകത്തിലെ ശനി – സൂര്യയോഗം തുടങ്ങിയ ദോഷങ്ങൾ അനുഭവിക്കുന്നവർ തിരുപ്പതി ദർശനം നടത്തിയാൽ വലിയ ആശ്വാസം ലഭിക്കും .
3 . രാഹു – കേതു ദോഷനിവാരണത്തിനു തിരുപ്പതി ശ്രീനിവാസദര്ശനം നല്ല പരിഹാരമാണ്. നാഗദോഷങ്ങളെല്ലാം തീർക്കുന്ന സന്നിധിയാണിതെന്നു വിശ്വസിക്കപ്പെടുന്നു.
4 . സാമ്പത്തിക ദുരിത മോചനത്തിനും മംഗല്യഭാഗ്യത്തിനും തിരുപ്പതി വെങ്കടാചലപതി ദർശനം സഹായിക്കും.
5 . വിവാഹതടസ്സം, തൊഴിൽ തടസ്സം, ദാമ്പത്യ ദുരിതങ്ങൾ, തൊഴിലില്ലായ്മ, കോടതി വ്യവഹാരം തുടങ്ങിയവയ്‌ക്കെല്ലാം പരിഹാരമാണ് ശ്രീവെങ്കിടേശ്വര മഹാമന്ത്രപൂജ.