പൃഥ്വിരാജ് നായകനാകുന്ന ചിത്രം “കടുവ” വീണ്ടും വിവാദത്തിൽ . ചിത്രത്തിൽ അഭിനയിക്കാനെത്തിയ ജൂനിയർ ആർട്ടിസ്റ്റുകൾക്ക് പണം നൽകിയില്ലെന്നും, മോശം ഭക്ഷണമാണ് സെറ്റിൽ നൽകിയതെന്നും പരാതി. ചിത്രത്തിൽ അഭിനയിച്ച ജൂനിയർ ആർട്ടിസ്റ്റുകൾ കോട്ടയം ഈസ്റ്റ് പോലീസിൽ പരാതി നൽകി.
ജൂനിയർ ആർട്ടിസ്റ്റുകൾക്ക് നൽകിയ ഭക്ഷണം കഴിച്ച് അസുഖങ്ങൾ ഉണ്ടായെന്നും ദിവസവും 500 രൂപ ശമ്പളം പറഞ്ഞിട്ട് 350 രൂപയാണ് നൽകിയതെന്നും പരാതിയിൽ പറയുന്നു. എന്നാൽ ആരോപണങ്ങൾ പൂർണമായും തള്ളുകയാണ് അണിയറപ്രവർത്തകർ. “കടുവ” ചിത്രം പ്രഖ്യാപിച്ചതുമുതൽ ഓരോ വിവാദങ്ങൾ ചിത്രത്തെ പിന്തുടരുകയാണ്.
English Summary : prithviraj kaduva new issue