ചന്ദ്രലേഖ എന്ന ഹിറ്റ് ചിത്രത്തിലൂടെ മലയാളികളുടെ പ്രിയ നായികയായ പൂജ ബത്ര വിവാഹിതയാകുന്നു. നടൻ നവാബ് ഷാ ആണ് വരൻ. ഇരുവരും പ്രണയത്തിലായിരുന്നു. മലയാള സിനിമയിൽ വില്ലൻ വേഷങ്ങൾ ചെയ്തിട്ടുള്ള നടനാണ് നവാബ് ഷാ. കീർത്തിചക്ര, രാജധാനി തുടങ്ങിയ ചിത്രങ്ങളിൽ നവാബ് വേഷമിട്ടിട്ടുണ്ട്.
തന്റെ സോഷ്യൽ മീഡിയ പേജിലൂടെ പൂജ തന്നെയാണ് ആദ്യം തന്റെ പ്രണയത്തെ പറ്റി പങ്കുവെച്ചത്. തുടർന്ന് നവാബ് പൂജയുമൊത്തുള്ള ചിത്രങ്ങൾ പങ്കുവെച്ചു. പരസ്പരം മോതിരം കൈമാറിയ ചിത്രങ്ങളാണ് ഇരുവരും പങ്കുവെച്ചത്. അധികം വൈകാതെതന്നെ ഇരുവരുടേം വിവാഹം ഉണ്ടാകും എന്നാണ് റിപ്പോർട്ടുകൾ. ഇരുവരുടേം വിവാഹം കഴിഞ്ഞു എന്ന രീതിയിലും വാർത്തകൾ പുറത്തുവരുന്നുണ്ട്.
നേരത്തെ വിവാഹിതയായിരുന്ന പൂജ 2011 ൽ വിവാഹബന്ധം വേർപെടുത്തിയിരുന്നു.