വൈശാഖ് സംവിധാനം ചെയ്യുന്ന ‘രാജ 2’വില്‍ മമ്മൂട്ടിക്കൊപ്പം ദുല്‍ഖറും എത്തുന്നുവെന്ന് റിപ്പോർട്ട്.
പോക്കിരിരാജയുടെ രണ്ടാം ഭാഗമാണ് രാജ 2 എന്നാണ് എല്ലാരും കരുതുന്നത് എന്നാല്‍ ഈ സിനിമ പോക്കിരിരാജയുടെ രണ്ടാംഭാഗമല്ലെന്നാണ് സംവിധായകന്‍ പറയുന്നത്. എന്നാല്‍ മമ്മൂട്ടിയുടെ കഥാപാത്രം അതുതന്നെയായിരിക്കും. ഈ സിനിമയ്ക്ക് തികച്ചും വ്യത്യസ്തമായ ഒരു കഥയും പശ്ചാത്തലവുമായിരിക്കും എന്നും വൈശാഖ് പറയുന്നു.
പോക്കിരിരാജയില്‍ നിന്ന് മമ്മൂട്ടി മാത്രമായിരിക്കും രാജ 2ല്‍ ഉണ്ടാവുക എന്നാണ് സൂചന. പൃത്വിരാജിന് പകരം ദുൽക്കർ എത്തുമെന്നാണ് പറയുന്നത്. എന്നാൽ ഈ വാർത്ത അണിയറ പ്രവർത്തകർ സ്ഥിതീകരിച്ചിട്ടില്ല. ദുൽഖർ മമ്മൂട്ടിക്കൊപ്പം എത്തിയാൽ അച്ഛനും മകനും ഒന്നിക്കുന്ന ആദ്യ ചിത്രമാകും രാജ 2.
രാജ 2 ന്റെ തിരക്കഥ ഒരുക്കുന്നത് ഉദയ്കൃഷ്ണ ആണ്. സിനിമയുടെ ചിത്രീകരണം ഈ വര്‍ഷം ഓണത്തിന് ശേഷം ആരംഭിക്കും. 2019 മാര്‍ച്ചില്‍ ചിത്രം പ്രദര്‍ശനത്തിനെത്തും.